Fitch Ratings حالىقارالىق رەيتينگ اگەنتتىگى قازاقستاننىڭ تاۋەلسىز كرەديتتىك رەيتينگىن "BBB" دەڭگەيىندە راستادى، بولجام – "تۇراقتى"، دەپ حابارلايدى Dalanews.kz.
"قازاقستاننىڭ رەيتينگىن قولدايتىن نەگىزگى فاكتورلاردىڭ قاتارىندا – رەيتينگى ۇقساس ەلدەر اراسىنداعى ورتاشا كورسەتكىشتەن ەداۋىر اساتىن جانە ەلدىڭ قارجىلىق يكەمدىلىگىن قامتاماسىز ەتەتىن قۋاتتى سىرتقى بۋفەرلەر قالىپ وتىر.قازاقستان رەسپۋبليكاسى ۇلتتىق قورىنىڭ ۆاليۋتالىق اكتيۆتەرى مەن رەسمي التىن-ۆاليۋتا رەزەرۆتەرى ءجىو-نىڭ 38% بالاماسىنا جەتتى، بۇعان ينۆەستيسيالاردىڭ 8،4% دەڭگەيىندەگى كىرىستىلىگى جانە التىن باعاسىنىڭ ءوسۋى ىقپال ەتتى"، دەلىنەدى رەيتينگ سيپاتتاماسىندا.
ساراپشىلار مۇناي سالاسىنا تاۋەلدىلىكتى بىرتىندەپ ازايتۋعا ىقپال ەتەتىن كولىك جانە جاڭارتىلاتىن ەنەرگيا سىندى سەكتورلاردى دامىتۋ بويىنشا جاسالىپ جاتقان قادامداردى ايتتى.
بۇعان قوسا، رەيتينگ اگەنتتىگى كەڭ اۋقىمدى قوسارلاس سانكسيالار سالۋدىڭ سالىستىرمالى تۇردە تاۋەكەلدەرى تومەن ەكەنىن باسا اتاپ وتكەن.
