Filippinde magnitýdasy 7,8 balǵa jetken joiqyn jer silkinisi boldy, dep habarlaidy dalanews.kz.
Jerasty dúmpýi 8 maýsymǵa qaraǵan túni eldiń ońtústigindegi Mindanao araly jaǵalaýynda tirkelgen. Aldyn ala málimet boiynsha oqiǵa saldarynan keminde tórt adam kóz jumyp, 200-den asa adam túrli jaraqat alǵan.
Seismologtar negizgi jer silkinisinen keiin 130-dan asa aftershokty tirkegen. Olardyń keibiriniń magnitýdasy 6,1-6,5 balǵa deiin jetken.
Jer silkinisinen keiin jaǵalaýda ornalasqan toǵyz provintsiianyń turǵyndary qaýipsiz jerge kóshirildi. Alaida bes saǵat ótken soń tsýnami qaýpi joiylǵany resmi túrde habarlandy.
Tabiǵi apat birneshe ǵimaratqa zaqym keltirip, joldar men kópirlerde jaryqtar paida bolýyna sebep boldy. Kei óńirlerde elektr qýaty men internet bailanysy ýaqytsha úzilgen.
