Búgin QR Premer-Ministri Asqar Mamin oblys ákimi Ómirzaq Shókeevpen birge Túrkistan oblysy Maqtaaral aýdany Myrzakent kentinde aýyl turǵyndarymen kezdesti.
Onda evakýatsiialanǵan maqtaaraldyqtardyń alǵashqy legi Álisher Ýsmanovtyń qorynan bólingen qor qarajatynyń sertifikatyn aldy, dep habarlaidy Dalanews.kz.
Bul qarajat evakýatsiialanǵan 5 202 otbasynyń jeke shotyna túsedi. Qazirgi ýaqytta qarajat alatyn barlyq azamattardyń qujattary qabyldanyp jatyr. Qujattar tolyq jinalǵan kezde, ár otbasy ózderine tiesili qarjyny ala alady.
Resei kásipkeri Álisher Ýsmanov sý tasqynynan zardap shekken Maqtaaral aýdanynyń evakýatsiialanǵan turǵyndary úshin "Túrkistan" áleýmettik damý korporativtik qoryna 5,2 mln. AQSh dollaryn aýdarǵan bolatyn.
Bul - 2,3 mlrd teńge, 30 420 adamdy quraityn 5 202 otbasynyń árqaisyna 422 myń teńgeden (1000 AQSh dollary) úlestiriledi.
