بۇگىن ق ر پرەمەر-مينيسترى اسقار مامين وبلىس اكىمى ءومىرزاق شوكەيەۆپەن بىرگە تۇركىستان وبلىسى ماقتاارال اۋدانى مىرزاكەنت كەنتىندە اۋىل تۇرعىندارىمەن كەزدەستى.
وندا ەۆاكۋاسيالانعان ماقتاارالدىقتاردىڭ العاشقى لەگى الىشەر ۋسمانوۆتىڭ قورىنان بولىنگەن قور قاراجاتىنىڭ سەرتيفيكاتىن الدى، دەپ حابارلايدى Dalanews.kz.
بۇل قاراجات ەۆاكۋاسيالانعان 5 202 وتباسىنىڭ جەكە شوتىنا تۇسەدى. قازىرگى ۋاقىتتا قاراجات الاتىن بارلىق ازاماتتاردىڭ قۇجاتتارى قابىلدانىپ جاتىر. قۇجاتتار تولىق جينالعان كەزدە، ءار وتباسى وزدەرىنە تيەسىلى قارجىنى الا الادى.
رەسەي كاسىپكەرى الىشەر ۋسمانوۆ سۋ تاسقىنىنان زارداپ شەككەن ماقتاارال اۋدانىنىڭ ەۆاكۋاسيالانعان تۇرعىندارى ءۇشىن "تۇركىستان" الەۋمەتتىك دامۋ كورپوراتيۆتىك قورىنا 5،2 ملن. اقش دوللارىن اۋدارعان بولاتىن.
بۇل - 2،3 ملرد تەڭگە، 30 420 ادامدى قۇرايتىن 5 202 وتباسىنىڭ ءارقايسىنا 422 مىڭ تەڭگەدەن (1000 اقش دوللارى) ۇلەستىرىلەدى.
