2024 jyly 17 qańtarda Eýropalyq Parlament depýtattary Eýropalyq Odaqtyń 2019 jyly qabyldanǵan Ortalyq Aziia boiynsha strategiiasyn baǵalaý jónindegi jańa baiandama-qarardy maquldady, - dep habarlaidy Dalanews.kz Aigúl Quspannyń faceboook paraqshasyna silteme jasap.
Onyń málimetinshe, qujat «jahandyq jáne óńirlik geosaiasi ózgerister kontekstinde Eýropalyq Odaq pen Ortalyq Aziianyń neǵurlym tyǵyz yntymaqtastyǵynyń múmkindikteri men problemalaryn qarastyrý» maqsatynda ázirlengen.
“EP Syrtqy ister komitetiniń bas baiandamashysy bizdiń seriktesimiz – nemis eýrodepýtaty Karsten Liýke («Sotsialister men demokrattar» fraktsiiasy), qosalqy baiandamashylar – Andriýs Kýbiliýs («Eýropalyq halyq partiiasy»), Klemen Groshel («Eýropany jańartý»), Anna Fotiga («Eýropalyq konservatorlar men reformatorlar»), Viola fon Kramon Taýbadel («Jasyldar») jáne Terri Mariani («Sáikestik jáne demokratiia») boldy. Baiandamany daiyndaý barysynda K. Liýke Qazaqstanǵa jáne Ortalyq Aziianyń basqa elderine eki ret bardy, sondai-aq Parlament Májilisiniń, SIM basshylyǵymen jáne QR Adam quqyqtary jónindegi ýákilimen kezdesti”, - deidi Májilistiń Halyqaralyq ister, qorǵanys jáne qaýipsizdik komitetiniń tóraǵasy Aigúl Quspan.
Qujatta eýropalyq parlamentshiler EO elderin «geostrategiialyq mańyzdylyǵyn» eskere otyryp, Ortalyq Aziia memleketterimen ózara is-qimyldy jandandyrýǵa shaqyrady.
Eýropalyq Parlament OA elderimen parlamentaralyq bailanystardy damytýǵa járdemdesýge daiyn ekendigin bildirdi.
Is-shara barysynda Qazaqstan-Eýropa saiasi, saýda-ekonomikalyq jáne investitsiialyq yntymaqtastyǵynyń damý perspektivalary talqylanǵan. Osy tusta, Ortalyq Aziia men Eýropalyq Odaq arasyndaǵy óńirlik yntymaqtastyqty, onyń ishinde ózara bailanys, klimattyń ózgerýi jáne halyqaralyq qaýipsizdik salasyndaǵy yntymaqtastyqty ilgeriletýge bailanysty máselelerge erekshe nazar aýdaryldy.
Eýrodepýtattar Frantsisko Millan-Mon (Ispaniia, «Eýropalyq halyq partiiasy») jáne Andris Ameriks (Latviia, «Sotsialister men demokrattar) Qazaqstan azamattary úshin EO vizalyq rejimin jeńildetý máselesin tezirek sheshýdiń mańyzdylyǵyn atap ótti.
Tóraǵanyń málimetinshe, Qazaqstandyq delegattar «Transkaspii halyqaralyq kólik baǵyty» jobasyn jáne Eýropa men Aziia elderiniń kólik infraqurylymyn jaqyndastyrýǵa baǵyttalǵan basqa da bastamalardy qoldaý, qazaqstandyq taraptyń 2060 jylǵa deiin kómirtegi beitaraptyǵyna qol jetkizý jónindegi málimdegen kúsh-jigeri aiasynda Eýropalyq investitsiialyq bankpen yntymaqtastyq jáne basqa da aspektiler máselelerin kóteredi.
Sonymen qatar depýtattar eýropalyq áriptesterine Qazaqstanda sailaý júiesin reformalaýǵa, Parlamenttiń rólin kúsheitýge, sondai-aq adam quqyqtaryn qorǵaý salasyndaǵy memlekettik tetikterge baǵyttalǵan aýqymdy saiasi bastamalardyń iske asyrylý barysy týraly aityp bergenin málimdedi.
Eýropalyq depýtattar daiyndaǵan jańa baiandama Eýroparlamenttiń Qazaqstan men Eýroodaq arasyndaǵy ózara is-qimyldyń keń spektrin damytýda asa mańyzdy ról atqara alatynyn, sondai-aq elimizdiń Ortalyq Aziiadaǵy óńirlik yntymaqtastyqty damytý jónindegi kúsh-jigerin qoldai alatynyn kórsetti.
