Eýroodaq Reseige qarsy sanktsiialardy alǵash ret birden bir jylǵa uzartý týraly kelisimge keldi, dep habarlaidy dalanews.kz.
Buǵan deiin shekteý sharalary ádette alty ai saiyn uzartylyp kelgen.
Briýsselde ótken EO sammitinde qabyldanǵan sheshim týraly Eýropalyq keńes tóraǵasy Antoniý Koshtanyń baspasóz hatshysy málimdedi. Endi bul sheshimdi aldaǵy aptalarda Eýroodaq keńesi resmi túrde bekitýi tiis.
Sanktsiialardyń merzimin uzartý jónindegi kelisimge Vengriianyń qarsylyq tanytpaýy múmkindik bergen. Buǵan deiin eldiń burynǵy premer-ministri Viktor Orban mundai bastamalardy birneshe ret tejegen bolatyn. Alaida mamyr aiynda qyzmetine kirisken jańa premer-ministr Peter Madiar sanktsiialardy bir jylǵa uzartýdy qoldady.
Sammit qorytyndysynda Reseidiń Ýkrainaǵa qarsy soǵysyna qatysty deklaratsiiany EO-ǵa múshe barlyq 27 memleket qoldady. Osylaisha 2024 jyldyń jeltoqsanynan beri alǵash ret uiymǵa múshe elder bul máselede biryńǵai ustanym kórsetti.
