ەۋرووداق رەسەيگە قارسى سانكتسييالاردى العاش رەت بٸردەن بٸر جىلعا ۇزارتۋ تۋرالى كەلٸسٸمگە كەلدٸ, دەپ حابارلايدى dalanews.kz.
بۇعان دەيٸن شەكتەۋ شارالارى ەدەتتە التى اي سايىن ۇزارتىلىپ كەلگەن.
بريۋسسەلدە ٶتكەن ەو سامميتٸندە قابىلدانعان شەشٸم تۋرالى ەۋروپالىق كەڭەس تٶراعاسى انتونيۋ كوشتانىڭ باسپاسٶز حاتشىسى مەلٸمدەدٸ. ەندٸ بۇل شەشٸمدٸ الداعى اپتالاردا ەۋرووداق كەڭەسٸ رەسمي تٷردە بەكٸتۋٸ تيٸس.
سانكتسييالاردىڭ مەرزٸمٸن ۇزارتۋ جٶنٸندەگٸ كەلٸسٸمگە ۆەنگرييانىڭ قارسىلىق تانىتپاۋى مٷمكٸندٸك بەرگەن. بۇعان دەيٸن ەلدٸڭ بۇرىنعى پرەمەر-مينيسترٸ ۆيكتور وربان مۇنداي باستامالاردى بٸرنەشە رەت تەجەگەن بولاتىن. الايدا مامىر ايىندا قىزمەتٸنە كٸرٸسكەن جاڭا پرەمەر-مينيستر پەتەر ماديار سانكتسييالاردى بٸر جىلعا ۇزارتۋدى قولدادى.
سامميت قورىتىندىسىندا رەسەيدٸڭ ۋكرايناعا قارسى سوعىسىنا قاتىستى دەكلاراتسييانى ەو-عا مٷشە بارلىق 27 مەملەكەت قولدادى. وسىلايشا 2024 جىلدىڭ جەلتوقسانىنان بەرٸ العاش رەت ۇيىمعا مٷشە ەلدەر بۇل مەسەلەدە بٸرىڭعاي ۇستانىم كٶرسەتتٸ.
