Eýraziialyq odaqtyń ákesi Resei Ýkrainaǵa soǵys ashyp, Batys elderiniń qarjy-ekonomikalyq sanktsiiasyna ushyraǵaly beri Eýraziialyq odaqtan máni kete bastaǵany anyq.
Biraq ekonomikalyq odaqty saiasi maqsatqa barynsha paidalanyp qalýdy kózdeitin Resei osyndai máselelerdi kóterip, komada jatqan Eýraziialyq odaqtyń ómirin uzartqysy keledi.
Eýraziialyq odaqqa múshe elder Ekonomikalyq keńes komissiasy taýarlardy tańbalaýǵa qatysty máselesin qoldap otyrǵan joq.
Soǵys pen sanktsiia kezinde taýardy tańbalaý isi odaqqa múshe elderdi tyǵyryqqa tireýi múmkin.
Tipti, Eýraziialyq odaqqa múshe elderdiń tańbalaityndai taýar da óndirip jatpaǵany anyq. Aitalyq, dári-dármek pen gadjetterdiń bári derligi Qytai men Batys elderinen keletinin jurttyń bári biledi. Al ony Eýaraziialyq odaqqa múshe elder tańbalai almaityny belgili.
Sol sebepti Qazaqstan bastaǵan odaqqa múshe biraqatar elder resmi Máskeýdiń bul usynysyn qoldamady.
Osydan keiin Ekonomikalyq keńes taýarlardy tańbalaý máselesin odaqqa múshe elder ózderi qalaǵan ýaqytta engize alatynyn aityp, usynysty shalajansar kúiinde qaldyrdy. Demek bul da aiaqsyz qalatyn bastamalardyń biri bolýy múmkin.
Odaqqa múshe elder birqatar elder ózderi óndiretin taýarlardy tańbalaýǵa qajettilik joq ekenin ashyp aitty.
Aitalyq, Qazaqstan sýsyndar men noýtbýk, smartfon syndy gadjetterdi tańbalaýǵa qarsy ekenin aityp, ustanymyn ashyq bildirgen. Óz kezeginde Qyrǵyzstan da gadjetterdi tańbalaýǵa qarsylyq tanytyp, Qazaqstannyń ustanymyn qoldaǵan.
Al Armeniia bolsa, dári-dármekterge Eýraziialyq odaqtyń tańbasyn basýdan úzildi-kesildi bas tartty.
