Eýraziia jáne Eýropa: áriptestik bolashaǵy qandai?
«Eýraziia álemi» pikirsaiys klýbynda bas qosqan sarapshylar «Eýraziia jáne Eýropa: áriptestik bolashaǵy qandai?» degen taqyrypty talqyǵa saldy.
Jiynnyń shymyldyǵyn túrgen saiasattanýshy Edýard Poletaevtyń pikirinshe Eýraziialyq jáne Eýropalyq odaqtyń birigip jumys jasaityn múmkindigi mol. «Biylǵy jyldyń kúzinde eki Odaqtyń birikken forýmy ótýi tiis. Osy forýmda áriptestik máselesi keńinen talqylanady dep oilaimyn» deidi bul rette Poletaev.
Al saiasattanýshy Andrei Chebotarevtyń aitýynsha Eýraziialyq jáne Eýropalyq odaqtyń tiimdi jumys isteýi úshin Resei Minski kelisimsharttaryn oryndaýy qajet. «Eýroodaq Máskeýge dál osyndai talap qoiyp otyr. Bul arada Eýroodaq óz múddesin kózdep otyr» dedi ol.
Jýrnalist Vladislav Iýritsynnyń pikirinshe, Eýroodaq Eýraziialyq odaqqa áriptes emes, básekeles. Sondyqtan áriptestik máselesi kóterilgende ekonomikalyq múddeni umytpaý kerek. Al jýrnalist Sergei Kozlov bolsa: «Eýropalyqtar, onyń ishinde Batys jýrnalisteri, sarapshylar, saiasattanýshylar Eýraziialyq odaqty ekonomikalyq odaq retinde qarastyrmaidy. Olar bul odaqty Reseidiń jobasy dep sanaidy jáne osy odaqqa birikken ózge memleketterdiń Máskeýdiń aitqanymen júredi dep esepteidi» degen pikir bildirdi.
Otyrysty túiindegen tarihshy Bolat Sultanov óz kezeginde: «Eki Odaqtyń birigip jumys isteýi oryndalmas arman. Sebebi, Batys eshqashan da Reseidi qushaq jaia qarsy almaidy. Batys álemi Reseidi óz órkenietine qabyldaǵysy kelmeidi» degen pikir bildirdi.
