Etnos ókilderi tarihi-memorialdyq murajailardyń qundy jádigerlerimen tanysty
Búgin Túrkistan oblysyndaǵy etnos ókilderi «Qazaqtaný» mádeni-aǵartý jobasy aiasynda Túrkistan qalasyndaǵy tarihi-memorialdyq murajailarmen tanysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Is-sharaǵa óńirdegi etnomádeni birlestik ókilderi, «Assambleia jastary» RQB Túrkistan oblystyq ókildiginiń músheleri jáne oblystyq qoǵamdyq damý basqarmasy «Qoǵamdyq kelisim» KMM-niń basshylyǵy men qyzmetkerleri qatysty.
Shara barysynda qatysýshylar N.Ońdasynov atyndaǵy mýzeii men N.Tórequlov atyndaǵy mýzeiine ekskýrsiia jasady. Budan soń, shahardaǵy S.Erýbaev atyndaǵy mýzei men «Uly Dala Eli» ortalyǵyna baryp, tarihi jádigerlermen tanysty.
– Prezidentimiz halyqqa arnaǵan Joldaýynda: «Biz eń basty qundylyǵymyz – Táýelsizdigimizdi saqtap, ulttyq biregeiligimizdiń negizin nyǵaityp, elimizdi jańǵyrtý jolynda uiysýǵa tiispiz. Bul – bolashaq urpaq aldyndaǵy qasietti boryshymyz» degen bolatyn. «Qazaqtaný» jobasy elimizde meken etetin etnostar arasynda qazaq halqynyń tarihyn, dástúrlerin, ózindik printsipterin dáripteýge baǵyttalǵan. Bir sózben aitqanda, eldi biriktiretin ulttyq biregei joba. Búgingi sharada etnos ókilderi birneshe mýzeige baryp, bilim kókjiegin keńeitip, kóptegen tyń derekterge qanyq boldy. Is-shara bolashaqta da jalǵasady, – dedi «Qoǵamdyq kelisim» KMM-i basshysynyń orynbasary E. Baetov.
Shara sońynda qatysýshylar alǵan áserlerimen bólisip, estelik sýretke tústi.
