Qazaqstandaǵy tótenshe jaǵdaiǵa bailanysty áleýmettik media Nursultan Nazarbaev qory "biliktiń bedelin túsirýge jáne qoǵamdyq-saiasi jaǵdaidy turaqsyzdandyrýǵa baǵyttalǵan aqparattyq naýqan" júrgizip otyr dep jariialady. Osy tusta qor kópshilikke málimdeme jasady, dep habarlaidy Dalanews.kz.
“Qazaqstanda sý tasqyny bolyp, ahýal ótkir sipat alyp turǵan shaqta keibir áleýmettik media Nursultan Nazarbaev Qory “biliktiń bedelin túsirýge jáne qoǵamdyq-saiasi jaǵdaidy turaqsyzdandyrýǵa baǵyttalǵan aqparattyq naýqan” júrgizip otyr dep jariialady. Jasyryn derekkóz jariialaǵan aqparatty jeke tulǵalar da aityp, negizsiz aiyp taqty”, - delingen habarlamada.
Nursultan Nazarbaev Qory bul jariialanym men málimdemeniń eshqandai obektivti ári naqty negizi joq ekenin aitady. Olar qoǵamǵa shynaiy jáne senimdi aqparat berýdiń mańyzdylyǵyn atap kórsetedi.
“Nursultan Nazarbaev Qorynyń qyzmetinde saiasi da, aqparattyq-manipýliatsiialyq ta sipat joq. Qordyń jumysy tek áleýmettik jobalar men azamattyq bastamalardy damytýǵa, el jastardy qoldaýǵa, qaiyrymdylyq kómek kórsetýge baǵyttalǵan.
Buǵan qosa, Nursultan Nazarbaev Memleket basshysy Qasym-Jomart Toqaevty jáne onyń saiasi baǵytyn árdaiym qoldaǵanyn jáne qoldaitynyn aitamyz. Bul kúnderi el turǵyndary siiaqty Tuńǵysh Prezident te sý tasqynynan zardap shekken jandarǵa alańdap otyr. Biz Memleket basshysy men Úkimettiń el óńirlerinde buryn-sońdy bolmaǵan sý tasqynynyń saldaryn joiý jónindegi sharasyn tolyǵymen qoldaimyz”, - deidi qor.
Málimdemege súiensek, Nursultan Nazarbaev qory zardap shekken óńir turǵyndaryn qoldaý úshin alǵashqylardyń biri bolyp aqsha aýdaryp, qarjylai kómek kórsetken eken.
Eske salaiyq, buǵan deiin áleýmettik jelide Eski Qazaqstandy jaqtaýshylardyń belsendiligi artty.
Al tarap jatqan aqparattardyń saryny bir. Olar Nazarbaev bilikte otyrǵan kezde halyqtyń jaǵdaiy jaqsy bolypty degen pikirdi jeleý etip júr. Máselen, “Elbasy Nazarbaev” dep atalatyn TikTok arnanyń Nazarbaev tarapyna túsirilgen videolary milliondap qaralym jinap úlgergen.
Paraqshadaǵy videolardyń birinde "halyq Nazarbaevqa shúkirshilik jasai almaǵany" aitylady.
"Qara sýmen júrgen halyqty balǵa jetkizip edi! Baryńdy baǵalai almadyńdar. Endi jarqyrap ómir súrgenderińdi kóreiik! Elbasym, seniń qadirińdi túsinbegen halyqtan ketkeniń de durys bolǵan-aý!", - deidi video avtory.
Bul videoǵa jazylǵan pikirler – "bottar armiiasynyń" jumysy tárizdi.
"Tek Qazaqstannyń emes, Álemniń kóshbasshysy"
"Atamyz qaityp kelse, eshkimnen qoryqpai ómir súremiz"
"Aman bolsyn, kóregen edi, báriniń aldyn alyp otyratyn edi" - degen syńaidaǵy pikirler kóptep jazylǵan.
Taǵy bir videoda sý tasqynyna qatysty jaǵdai kórsetiledi. Video mazmuny boiynsha, "Nazarbaevtyń kezinde mundai jaǵdai bolmaǵan".
Jýrnalist Syrym Itqulovtyń sózinshe, Arystaǵy jarylys, shahtalardaǵy jarylys, Qańtar oqiǵasy sekildi aldymyzdan shyqqan problemalar áleýmettik ekonomikalyq turǵydan da, ideologiialyq turǵydan da quldyraý ekenin kórsetip otyr.
"Bul sol jumystardyń jemisi (naqty aitqanda jumys atqarylmaýynyń) – búgin aiaq asty saǵyna qalǵan, eldi 25 jyl basqarǵan biliktiń jumysy. (...) Qazirgi problemalardyń kontekstine qarasaq, olardyń sebebi de belgili: 30 jylda birde-bir damba salynbaǵan, TKSh men infraqurylymǵa investitsiia salynbaǵan", - deidi jýrnalist telegram arnasynda.
Qala berdi, “Elbasy ketkeli halyqtyń jaǵdaiy nasharlap ketken” degen mazmundaǵy videopaida bolǵan.
Al búgin májilis depýtaty Erlan Sairov Eski Qazaqstan sý tasqynyn paidalanyp bilikke kelmek degen oiyn aitty. Onyń sózinshe, qazirgi tańda prezident Toqaevty aqparattyq deńgeide diskreditatsiialaý júrip jatyr
"Prezident Toqaev QR konstitýtsiiasy boiynsha Qazaqstan Respýblikasynyń legitimdi prezidenti. Keibir syn aitýshylar - syn aityp otyrǵan joq. Olar bizdiń elimizde saiasi destabilizatsiia jasaýǵa tyrysyp otyr. Olar revanshistik kúshterge kerek. Al olar qiyn-qystaý zamandy paidalanyp, qaitadan bilikke kelýge tyrysyp otyr. Revanshistik kúshter degen kim? Olar burynǵy memleket basshysynyń ainalasynda júrip, baiyp alǵan, qaltasyn toltyryp alǵan, halyqtyń búkil aqshasyn jep úirengen", - deidi depýtat Abay live YouTube-arnasynabergen suhbatynda.
Sairovtyń sózinshe, olardyń jospary boiynsha qazirgi tańda prezidentti aqparattyq deńgeide deskreditatsiialaý bolyp jatyr.
"Sonymen qatar, "Shal, kel" degen neshe túrli chellendj bolyp jatyr. Munyń bári uiymdasqan túrde bolyp jatyr. Bul syn emes, memleketke qaýip tónip turǵan kezde memlekettiń ishine iritki salý", - deidi depýtat.
