Qazir ızolátorda sottyń sheshimin kútip otyrǵan, kezinde Nazarbaevtyń Qaýipsizdik keńesindegi statýsyn Prezıdentten joǵary baǵalaǵan eks ádilet mınıstri Marat Beketaevtyń sol málimdemeleri endi aldynan shyǵatyn bolady.
2024 jyldan bastap "Eski Qazaqstan" tolyqtaı joıylady. Onyń qańqasy bolǵan fýnksıonerler men olıgopolıa ókilderi barlyq arenadan túgeldeı derlik ketpek. Jarty jyldan keıin saıası keńistik "Eski", "Jańa" dep bólinýin toqtatady.
"Ashyǵyn aıtsam, osy jańa baǵdarymyz keıbir yqpaldy adamdarǵa múlde unaǵan joq. Olar bul ózgeristi elimizde ábden tamyr jaıǵan júıege jáne bılik qurylymyndaǵy ózderiniń «erekshe mártebesine» tóngen qater dep qabyldady. Mundaı adamdar eldegi ózgeriske astyrtyn, keıde tipti ashyq qarsylyq bildire bastady. Aqyr sońynda reformanyń betin qaıtaryp, ózderine yńǵaıly burynǵy qalypqa oralý úshin bárin tas-talqan etýge sheshim qabyldady" - dedi Qasym-Jomart Toqaev, Egemen Qazaqstanǵa bergen suhbatynda.
DALA INSIDE derekkózi kezinde Qazaqstandy judyryǵynda túıip ustaǵan aǵaıyndy Nyǵmatýllınder máselesinde belgili bir sheshimder bolatynyn habarlady. Birshama jabyq konsýltasıalarda osy suraq naqty talqylanǵan. 2024 - aty jer jaratyn sot prosesteriniń jyly bolady dep kútilýde.
