ەسكى قازاقستان قايتىپ كەلمەيدى: قازاقستاندى جۇدىرىعىندا ۇستاعان اعايىندى نىعماتۋلليندەرگە ءىس قوزعالا ما؟

Dalanews 04 قاڭ. 2024 09:36 460

اقوردا "ەسكى قازاقستاننىڭ" ليدەرلەرى مەن ولاردىڭ نوكەرلەرىنە باعىتتالعان مەسسەدجىن ۇزاق ۋاقىت ءپىسىرىپ، 2024 جىلدىڭ باسىندا جىبەرۋگە شەشىم قابىلداعان. DALA INSIDE دەرەككوزى 2019-2022 جىلدارى ورىن العان "قوستاباندى بيلىك داۋىرىندە" پرەزيدەنتتەن كەيىن بىردەن كىتاپحاناداعى نازاربايەۆتىڭ كابينەتىنە جۇگىرگەن بارلىق شەنەۋىكتىڭ كارەراسى بيىلدان باستاپ توقتايتىنىن حابارلادى.

ءقازىر يزولياتوردا سوتتىڭ شەشىمىن كۇتىپ وتىرعان، كەزىندە نازاربايەۆتىڭ قاۋىپسىزدىك كەڭەسىندەگى ستاتۋسىن پرەزيدەنتتەن جوعارى باعالاعان ەكس ادىلەت ءمينيسترى مارات بەكەتايەۆتىڭ سول مالىمدەمەلەرى ەندى الدىنان شىعاتىن بولادى.

2024 جىلدان باستاپ "ەسكى قازاقستان" تولىقتاي جويىلادى. ونىڭ قاڭقاسى بولعان فۋنكسيونەرلەر مەن وليگوپوليا وكىلدەرى بارلىق ارەنادان تۇگەلدەي دەرلىك كەتپەك. جارتى جىلدان كەيىن ساياسي كەڭىستىك "ەسكى"، "جاڭا" دەپ ءبولىنۋىن توقتاتادى.

"اشىعىن ايتسام، وسى جاڭا باعدارى­مىز كەيبىر ىقپالدى ادامدارعا مۇلدە ۇناعان جوق. ولار بۇل وزگەرىستى ەلىمىزدە ابدەن تامىر جايعان جۇيەگە جانە بيلىك قۇرىلىمىنداعى وزدەرىنىڭ «ەرەكشە مارتەبەسىنە» تونگەن قاتەر دەپ قابىلدادى. مۇنداي ادامدار ەلدەگى وزگەرىسكە استىرتىن، كەيدە ءتىپتى اشىق قارسىلىق بىلدىرە باستادى. اقىر سوڭىندا رەفورمانىڭ بەتىن قايتارىپ، وزدەرىنە ىڭعايلى بۇرىنعى قالىپقا ورالۋ ءۇشىن ءبارىن تاس-تالقان ەتۋگە شەشىم قابىلدادى" - دەدى قاسىم-جومارت توقايەۆ، ەگەمەن قازاقستانعا بەرگەن سۇحباتىندا.

DALA INSIDE دەرەككوزى كەزىندە قازاقستاندى جۇدىرىعىندا ءتۇيىپ ۇستاعان اعايىندى نىعماتۋلليندەر ماسەلەسىندە بەلگىلى ءبىر شەشىمدەر بولاتىنىن حابارلادى. ءبىرشاما جابىق كونسۋلتاسيالاردا وسى سۇراق ناقتى تالقىلانعان. 2024 - اتى جەر جاراتىن سوت پروسەستەرىنىڭ جىلى بولادى دەپ كۇتىلۋدە.

ۇسىنىلعان
سوڭعى جاڭالىقتار