IIM esirtki taratýǵa qatysy bar qylmystyq toptarǵa tosqaýyl qoidy, - dep habarlaidy Dalanews.kz.
Vedomstvo málimetine súiensek, esirtki taratýǵa mamandanǵan uiymdasqan qylmystyq toptar Batys Qazaqstan, Abai oblystarynda jáne Almaty qalasynda quryqtalǵan. Almaty jáne Semei qalalarynda kannabis tobynyń esirtki zattaryn satýmen ainalysqan almatylyq turǵyndar ustaldy. Gashish pen marihýanany satý Telegram qosymshasy arqyly júzege asyrylǵan. Topty uiymdastyrýshy chat quryp, onda gashish pen marihýananyń ártúrli sorttarynyń quny týraly aqparat salyp otyrǵan.
Toptyń basqa músheleri esirtkini zańsyz saqtaýmen, dozalarǵa bólýmen, olardy Almaty men Semei aýmaǵynda tasymaldaýmen jáne jasyrýmen ainalysqan.
"Qylmystyq topqa qatysýshylar qamaýǵa alynyp, uiymdastyrýshyǵa izdeý jariialandy. Jalpy bir keliden asa gashish tárkilendi", - dep jazylǵan vedomstvo habarlamasynda.
Oral qalasynda taǵy bir qylmystyq top ustaldy. Kúdiktiler kannabis tobynyń esirtkisin satýmen ainalysqan. Olardan 540 gramm gashish tárkilendi. Topty uiymdastyrýshy Telegram messendjerinde internet dúken quryp, esirtki satýǵa basshylyq etken. Esirtkini ótkizý internet-dúkenniń ákimshisi jáne jaldamaly esirtki jasyrýshylar arqyly júzege asyrylǵan.
Jyl basynan beri IIM esirtki qylmysyna qarsy is-qimyl bólinisteriniń qyzmetkerleri barlyǵy 20 esirtki zerthanasyn joidy, onyń ishinde segizinde sintetikalyq esirtki ázirlengen. Olardan paidalanýǵa daiyn 129 keli sintetikalyq esirtki jáne 390 keli prekýrsor tárkilendi. Sonymen qatar, 12 fitolaboratoriia anyqtalyp, olardan 34,5 keli kannabis esirtkisi tárkilendi. Biyl politsiia alty uiymdasqan qylmystyq toptyń jolyn kesti, onyń ishinde ekeýi - transulttyq top.
