ءىىم ەسىرتكى تاراتۋعا قاتىسى بار قىلمىستىق توپتارعا توسقاۋىل قويدى، - دەپ حابارلايدى Dalanews.kz.
ۆەدومستۆو مالىمەتىنە سۇيەنسەك، ەسىرتكى تاراتۋعا ماماندانعان ۇيىمداسقان قىلمىستىق توپتار باتىس قازاقستان، اباي وبلىستارىندا جانە الماتى قالاسىندا قۇرىقتالعان. الماتى جانە سەمەي قالالارىندا كاننابيس توبىنىڭ ەسىرتكى زاتتارىن ساتۋمەن اينالىسقان الماتىلىق تۇرعىندار ۇستالدى. گاشيش پەن ماريحۋانانى ساتۋ Telegram قوسىمشاسى ارقىلى جۇزەگە اسىرىلعان. توپتى ۇيىمداستىرۋشى چات قۇرىپ، وندا گاشيش پەن ماريحۋانانىڭ ءارتۇرلى سورتتارىنىڭ قۇنى تۋرالى اقپارات سالىپ وتىرعان.
توپتىڭ باسقا مۇشەلەرى ەسىرتكىنى زاڭسىز ساقتاۋمەن، دوزالارعا بولۋمەن، ولاردى الماتى مەن سەمەي اۋماعىندا تاسىمالداۋمەن جانە جاسىرۋمەن اينالىسقان.
"قىلمىستىق توپقا قاتىسۋشىلار قاماۋعا الىنىپ، ۇيىمداستىرۋشىعا ىزدەۋ جاريالاندى. جالپى ءبىر كەلىدەن اسا گاشيش تاركىلەندى"، - دەپ جازىلعان ۆەدومستۆو حابارلاماسىندا.
ورال قالاسىندا تاعى ءبىر قىلمىستىق توپ ۇستالدى. كۇدىكتىلەر كاننابيس توبىنىڭ ەسىرتكىسىن ساتۋمەن اينالىسقان. ولاردان 540 گرامم گاشيش تاركىلەندى. توپتى ۇيىمداستىرۋشى Telegram مەسسەندجەرىندە ينتەرنەت دۇكەن قۇرىپ، ەسىرتكى ساتۋعا باسشىلىق ەتكەن. ەسىرتكىنى وتكىزۋ ينتەرنەت-دۇكەننىڭ اكىمشىسى جانە جالدامالى ەسىرتكى جاسىرۋشىلار ارقىلى جۇزەگە اسىرىلعان.
جىل باسىنان بەرى ءىىم ەسىرتكى قىلمىسىنا قارسى ءىس-قيمىل بولىنىستەرىنىڭ قىزمەتكەرلەرى بارلىعى 20 ەسىرتكى زەرتحاناسىن جويدى، ونىڭ ىشىندە سەگىزىندە سينتەتيكالىق ەسىرتكى ازىرلەنگەن. ولاردان پايدالانۋعا دايىن 129 كەلى سينتەتيكالىق ەسىرتكى جانە 390 كەلى پرەكۋرسور تاركىلەندى. سونىمەن قاتار، 12 فيتولابوراتوريا انىقتالىپ، ولاردان 34،5 كەلى كاننابيس ەسىرتكىسى تاركىلەندى. بيىل پوليسيا التى ۇيىمداسقان قىلمىستىق توپتىڭ جولىن كەستى، ونىڭ ىشىندە ەكەۋى - ترانسۇلتتىق توپ.
