Esimhan Orynbaevty eske alý fotokórmesi ashyldy
Atalmysh fotokórme Esimhan Orynbaevty eske alýǵa arnalǵan keshten bastaldy. Shyǵys Qazaqstan oblystyq óner murajaiynda ótip otyrǵan keshte áriptesteri men qoǵam qairatkerleri lebizderin aityp, estelikterimen bólisti.
Aita ketsek, kórmede fototilshiniń alpystan asa týyndysy jurt nazaryna usynylyp otyr. Onyń ishinde Shyǵys Qazaqstanǵa aiaq tiregen belgili qoǵam qairatkerleriniń sirek fotolaryn da baiqaýǵa bolady.
Esimhan Orynbaev 1955 jyly Almaty oblysy, Aqsý aýdany Eńbek aýylynda dúniege kelgen. 1986 jyly Óskemenge kóship kelip, oblystyq «Kommýnizm týy» (qazirgi «Didar») gazetine jumysqa turyp, ómirin shyǵarmashylyǵymen ushtastyrǵan.
Kesh sońynda kórmeni uiymdastyrýshy, joba jetekshisi, Qazaqstannyń Qurmetti jýrnalisi Aitmuhambet Qasymov qoldaý kórsetken demeýshilerge alǵysyn bildirip, estelik syilyqtar tabys etti.
ShQO ákiminiń baspasóz qyzmeti
