اتالمىش فوتوكورمە ەسىمحان ورىنبايەۆتى ەسكە الۋعا ارنالعان كەشتەن باستالدى. شىعىس قازاقستان وبلىستىق ونەر مۇراجايىندا ءوتىپ وتىرعان كەشتە ارىپتەستەرى مەن قوعام قايراتكەرلەرى لەبىزدەرىن ايتىپ، ەستەلىكتەرىمەن ءبولىستى.
ايتا كەتسەك، كورمەدە ءفوتوتىلشىنىڭ الپىستان اسا تۋىندىسى جۇرت نازارىنا ۇسىنىلىپ وتىر. ونىڭ ىشىندە شىعىس قازاقستانعا اياق تىرەگەن بەلگىلى قوعام قايراتكەرلەرىنىڭ سيرەك فوتولارىن دا بايقاۋعا بولادى.
ەسىمحان ورىنبايەۆ 1955 جىلى الماتى وبلىسى، اقسۋ اۋدانى ەڭبەك اۋىلىندا دۇنيەگە كەلگەن. 1986 جىلى وسكەمەنگە كوشىپ كەلىپ، وبلىستىق «كوممۋنيزم تۋى» (قازىرگى «ديدار») گازەتىنە جۇمىسقا تۇرىپ، ءومىرىن شىعارماشىلىعىمەن ۇشتاستىرعان.
كەش سوڭىندا كورمەنى ۇيىمداستىرۋشى، جوبا جەتەكشىسى، قازاقستاننىڭ قۇرمەتتى ءجۋرناليسى ايتمۇحامبەت قاسىموۆ قولداۋ كورسەتكەن دەمەۋشىلەرگە العىسىن ءبىلدىرىپ، ەستەلىك سىيلىقتار تابىس ەتتى.
شقو اكىمىنىڭ باسپا ءسوز قىزمەتى
