Búgin, Respýblika kúni merekesinde, Eńbekshiqazaq aýdanynyń Esik qalasyndaǵy Tý tuǵyry janyndaǵy Memlekettik rámizder alańynda, Memlekettik Tý kóterý saltanatty rásimi ótti. Otansúigishtik pen maqtanyshtyń simvoly bolyp tabylatyn bul aitýly oqiǵa Respýblika kúnin merekeleýdiń bastamasy retinde erekshe mánge ie boldy.
Saltanatty sharaǵa Almaty oblysy ákiminiń orynbasary Nurjan Qudaibergenov, máslihat depýtattary, jergilikti áskeri garnizonnyń qyzmetkerleri, quqyq qorǵaý organdarynyń ókilderi, ziialy qaýym jáne aýdan turǵyndary qatysty. Olardyń barlyǵy azamattyq kelisimdi, ulttyq birlikti jáne el taǵdyry úshin jaýapkershilikti bildiretin osy mańyzdy kúndi, birge atap ótýdi maqsat etti.
Nurjan Qudaibergenov sózinde: «Qurmetti jerlester, barshańyzdy Respýblika kúnimen shyn júrekten quttyqtaimyn! 1990 jyly 25 qazanda elimiz memlekettik egemendik týraly Deklaratsiia qabyldap, táýelsizdikke alǵashqy qadam jasady. Osy ýaqyt ishinde Qazaqstan qýatty, turaqty memleketke ainaldy. Birlik pen kelisim – bizdiń basty bailyǵymyz. Qoǵamdyq kelisimdi saqtai otyryp, biz jetistikterimizdi arttyryp, jarqyn bolashaqty qamtamasyz etemiz. Búgingi tý kóterý rásimi – ulttyq rýh pen patriotizmniń belgisi. Týymyz árqashan biikte jelbirei bersin!» – dedi.
Respýblika kúnin merekeleý – elimizdiń órkendeýine negiz bolǵan qundylyqtardyń mańyzdylyǵyn kórsetedi. Birlik pen kelisim – ultymyzdyń basty tiregi. Osy birliktiń arqasynda biz túrli qiyndyqtardy jeńip, bolashaqqa senimmen qaraimyz. Bul kún – ár azamattyń júreginde otanǵa degen súiispenshilikti, patriotizm men maqtanysh sezimin oiatyp, elimizdiń tarihynda jarqyn betterdi ashýǵa jol silteitin erekshe sát.
Saltanat barysynda Týymyzdyń jelbireýi – halyqtyń birligi men tutastyǵynyń belgisi, al elimizdiń bolashaǵynyń jarqyn bolýy árqaisymyzdyń ortaq mindetimiz.
