Qytai, Singapýr jáne Resei teńiz jaǵalaýlarynda reseilik munaidy tiegen tankerler porttan alysyraq mańda zákirlerin tastap, kógendeýli tur. Ótken jumada, 10 qańtarda AQSh Reseidiń munai sektoryna qarsy sanktsiialar salǵannan keiin osyndai kúrdeli máseleler týyndaǵan. Osy jaǵynan alǵanda, bul soǵys bastalǵannan bergi eń qatal ári nátijeli sanktsiia bolmaq, dep jazady bbc. Eń bastysy, kezekti sanktsiia Reseidiń "kóleńkeli floty" men onymen bailanysty kompaniialarǵa aýyr soqqy bolyp tiiýde. Qazir álemniń túkpir-túkpirinde teńiz betinde osylai qalqyp, áreketsiz qalǵan munai tasýshy reseilik tankerler sany 65-ten asady, dep jazady Dalanews.kz.
Reuters agenttiginiń MarineTraffic jáne LSEG málimetterine júgine otyryp, júrgizgen zertteýine sáikes, ártúrli óńirde kem degende 65 munai tankeri zákirin tastap, qozǵalyssyz tur. Olardyń kópshiligi Reseidiń Baltyq jáne Qiyr Shyǵystaǵy teńiz jaǵalaýlarynda bolsa, bes tanker Qytai porttarynyń janynda, taǵy jeteýi Singapýr jaǵalaýynda qalyp ketken.
Úiilgen tankerler ishindegi 25 keme aldynda Irannyń porttarynda jáne Sýets kanaly mańynda bolǵan.
Bir kún buryn Qytai men Úndistan AQSh-tyń jańa sanktsiialaryna bailanysty Resei munaiyn qabyldaýdan bas tartatyny belgili boldy. Vashingtonnyń 10 qańtarda munai kompaniialary men "kóleńkeli flotqa" qarsy engizgen sanktsiialarynyń, negizinen, 180-nen astam kemege áseri bar.
Bloomberg málimetteri boiynsha, Olia, Mermar jáne Huihai Pacific atty úsh keme Qytaidyń Shandýn provintsiiasyndaǵy porttarǵa jetpei turyp qalǵan. Olar Nahodka mańynda ornalasqan Reseidiń Tynyq muhittaǵy Kozmino portynan shamamen 2 mln barrel munai áketip bara jatqan. Alaida sanktsiiaǵa ushyraǵan kemelerdi qytailyq port operatory Shandong Port Group-tyń óz porttaryna kirýine tyiym salǵan.
Jeltoqsan aiynda Finliandiiada Sankt-Peterbýrgten Mysyrǵa Kýka araldarynyń týymen bet alǵan Eagle s munai tankeri ustaldy. Ony Reseidiń "kóleńkeli flotyna" da jatqyzady.
Sonymen qatar reseilik munai kemeleri úshin Úndistan da óz porttaryn jabatyny belgili boldy. Bloomberg-tiń málimetinshe, Úndistan 10 qańtarǵa deiin óz jaǵalaýyna kelip alǵan kemelerdi, onda da olar 12 naýryzǵa deiin júkti túsirip úlgerse, qabyldaýǵa daiyn ekenin aitqan.
Budan bólek, Úndistan bankteri sanktsiiaǵa ushyraǵan kompaniialar qyzmetinen bas tartý úshin munaidyń shyǵý tegi týraly sertifikattardy talap etpek.
Resei men Aziia elderi teńizderiniń jaǵalaýlarynda nópir kemeniń turyp qalýymen qatar bir mezgilde Ispaniiada "Gazpromnyń" "Portovaia" zaýytynan gaz tasýshy Cool Rover kemesi de kógendeldi, dep jazady Reseide shetel tyńshysy dep tanylǵan The Bell. Bul gaz tasýshy keme de 10 qańtarda AQSh jariialǵan sanktsiialar tiziminde bar.
Aita ketsek, 2025 jyly 8 qańtarda Irannyń kóleńkeli floty AQSh pen Eýropa elderi salǵan sanktsiiany sátti ainalyp ótkenimen qoimai, sanktsiiaǵa ushyraǵan basqa elderge de, sonyń ishinde Reseige de qolǵabys etip kelgeni málim boldy. Osyny dáleldeitin sheteldik BAQ-ta kólemdi zertteý maqala jariialandy.
Búgin, 15 qarashada Memleket basshysy Qasym-Jomart Toqaev Abu Dhabi Ports Group bas direktory Muhammed Ál-Shamisimen kezdesti.Kezdesý barysynda ekijaqty yntymaqtastyqtyń perspektivasy talqylandy, sondai-aq kólik-logistika salasynda buǵan deiin qol jetkizilgen ýaǵdalastyqtardy júzege asyrý máselesi qarastyryldy. Prezident Qasym-Jomart Toqaev Abu Dhabi Ports kompaniiasynyń birqatar iri nysan qurylysyna qatysty josparyna qoldaý kórsetip, bul bastamalar Qazaqstannyń Kaspii teńizindegi ailaq jáne teńiz infraqurylymyn damytý jónindegi strategiialyq múddesine sai keletinin atap ótti.
