Aty ańyzǵa ainalǵan, álemge málim kásipqoi boksshy Terens Kroýford sporttyq mansabyn aiaqtaý týraly sheshim qabyldady. Bul jóninde ol óziniń H (burynǵy Twitter) áleýmettik jelisindegi paraqshasynda málimdedi, dep habarlaidy Dalanews.kz
Qazirgi tańda WBO, WBC jáne WBA tujyrymdary boiynsha álem chempiony atanǵan amerikalyq bylǵary qolǵap sheberi sheshimin qysqa da nusqa jetkizdi:
«Uly bolý – endi dáleldeitin eshteńe qalmady», – dep jazdy ol.
Terens Kroýford kásipqoi bokstaǵy alǵashqy jekpe-jegin 2008 jyldyń 14 naýryzynda ótkizdi. Al 2025 jyldyń 13 qyrkúieginde meksikalyq Saýl «Kanelo» Alvareske qarsy chempiondyq titýldy sarapqa salyp, aiqyn jeńiske jetti. Dál osy jekpe-jek Kroýfordtyń kásibi ringtegi sońǵy kezdesýi bolyp qaldy.
Mansaby barysynda Kroýford 42 jekpe-jek ótkizip, barlyǵynda jeńiske jetti. Onyń 31-i merziminen buryn aiaqtalǵan. Bul kórsetkishter ony zamanaýi bokstyń eń myqty ókilderiniń birine ainaldyrdy.
Kroýford 2014 jyly WBO tujyrymy boiynsha alǵashqy chempiondyq belbeýin ielense, 2016 jyly WBC, al 2017 jyly WBA nusqalary boiynsha álem chempiony atandy. Sonymen qatar ol IBF uiymynyń da chempiondyq titýlyn jeńip alǵan.
Aita keterligi, Terens Kroýford — boks tarihynda tórt birdei iri uiymnyń (WBO, WBC, WBA, IBF) chempiondyq belbeýin ielengen alǵashqy sportshy retinde tarihta qaldy.
