Úndeýdi marqumnyń aǵaiyn-týmalary sol bir qasiretti kúnderi Núkenovter áýletiniń qaiǵysyna ortaqtasyp, qoltyǵynan demesken kópshilik qaýymǵa arnaǵan eken. Úndeý áriptesimiz Bolat Amanbaev paraqshasynda jariialandy.
ÚNDEÝ
"Qadirli dostar, qymbatty qazaqstandyqtar!
Qyzymyz Saltanattyń aiýandyqpen óltirilýine bailanysty kóńil bildirgenderińizge shyn júrekten alǵysymyzdy aitamyz. Sizderdiń jazǵan qoldaý pikirlerińizdi, shalǵan qońyraýlaryńyzdy, habarlamalaryńyzdy, bildirgen kóńilderińizdi kórip otyrmyz.
Biz zorlyq-zombylyq pen adam ólimine tózbeitin qoǵamda ómir súrip jatyrmyz. Sondyqtan osy oqiǵa respýblika turǵandaryn dúr silkindirdi. Saltanattyń qazasy álsiz adamdarǵa jasalatyn álimjettikke qarsy kúrestiń simvolyna ainaldy.
Marqum qyzymyzdyń topyraǵy sýymai jatyp, áleýmettik jelilerde ártúrli alyp qashpa áńgimeler men ósekter tarai bastaǵany janymyzǵa qatty batty.
Keibir jýrnalister men blogerler osy oqiǵadan ózderine arzan abyroi men jalǵan ataq jinaýǵa kóshipti. Osyǵan bailanysty bizdiń áýletti qandyqol qylmyskerdiń týystarymen ymyraǵa kelipti degen qanqý sózderde paida bolypty. Biraq bul shyńdyqqa sáikes kelmeidi. Biz eshkimdi keshirgen joqpyz.
Myńdaǵan adam qaiǵymyzǵa ortaqtasyp, shyn kóńilderin bildirip, bizdi jubatyp jatyr.
Asa qatigezdikpen jasalǵan bul qylmystyq isti jeke baqylaýyna alǵan el Prezidentine erekshe alǵysymyzdy bildiremiz.
Búgingi kúni tergeý organdary tarapynan qylmysty ashý boiynsha keshendi sharalar júrgizilýde.
Prezidenttiń pármenimen bul oqiǵa erekshe tergeletin is bolyp tirkeldi. Qazirgi ýaqytta sol túngi qylmystyń qalai órbigeni búge-shigesine deiin naqtylanýda.
Biz osy qylmystyń kýágerleri bar jáne olar qylmysty ashýǵa kómektesedi dep senemiz.
Eger qandai da bir osy qylmys týraly aqparattar men aiǵaqtardy bilseńiz politsiiaǵa nemese bizdiń qorǵaýshylarymyz: I O. Vranchev jáne J.M. Orazbaqovaǵa habarlasýyńyzdy suraimyz. Eger sizdiń qylmystyq iske qatysty mańyzdy aqparatyńyz bolsa, biraq jeke basyńyzdyń qaýipsizdigi úshin sekemińiz bolsa, sizge zań júzinde memleket tarapynan qorǵaý kepildigi bolady.
Elimizde osyndai jan túrshigerlik qylmystarǵa tózbeý qaǵidasyn ustanyp, bizdiń áýlettiń qaiǵysyna ortaqtasyp, jany kúigen jurtshylyqqa, kúizelgen kópshilikke rizashylyǵymyzdy bildiremiz".
Aita ketelik, eks-ekonomika ministri Qýandyq Bishimbaev Elordadaǵy restorannyń birinde áielin soqqyǵa jyǵyp, uryp óltirdi degen kúdikpen qamalǵan. Marqumnyń aǵasy Qairat Núkenov "Bishimbaevty aqtaýǵa áreket etip, jalǵan aqparat taratqan" blogerlerdi aiyptap, eks-shendiniń jaqyndaryn keshirmeitin aitqan. Úlken shý týǵyzǵan qylmystyq iske prezident Toqaev nazar aýdaryp, Ishki ister ministrine isti airyqsha baqylaýǵa alýdy tapsyrǵan edi.
https://dalanews.kz/del-qazir/95325-styuardessadan-milliarderge-deyin-na
