Memleket basshysynyń Jarlyǵymen Eset Berikuly Baiken Ulytaý oblysynyń ákimi laýazymyna taǵaiyndaldy, dep habarlaidy dalanews.kz.
Tiisti Jarlyqqa Memleket basshysy qol qoidy.
"Memleket basshysynyń Jarlyǵymen Eset Berikuly Baiken Ulytaý oblysynyń ákimi laýazymyna taǵaiyndaldy", – delingen Aqorda habarlamasynda.
Buǵan deiin Ulytaý oblysyn basqarǵan Dastan Ryspekov ákim qyzmetinen bosatylǵan edi. Ol bul laýazymdy 2024 jylǵy qazannan beri atqaryp kelgen.
Eset Baiken kim?
Eset Baiken 1986 jyly Qaraǵandy oblysynda dúniege kelgen.
Ol Qazaq gýmanitarlyq zań ýniversitetin "Qarjy" mamandyǵy boiynsha támamdaǵan. Sondai-aq E.A. Bóketov atyndaǵy Qaraǵandy memlekettik ýniversitetinde "Quqyqtaný" mamandyǵyn meńgergen.
Eńbek jolyn 2008 jyly Astana qalasynyń Ekonomika jáne biýdjettik josparlaý basqarmasynda bastaǵan.
Keiin elorda ákiminiń apparatynda túrli qyzmet atqaryp, uiymdastyrý-inspektorlyq bólimdi basqardy.
Eset Baiken Prezident Ákimshiliginde sarapshy jáne memlekettik inspektor bolyp jumys istegen.
2019 jyly Qaraǵandy oblysynyń Nura aýdanynyń ákimi qyzmetine taǵaiyndaldy.
Odan keiin Astana qalasy ákimi apparatynyń basshysy boldy. Sondai-aq elordanyń Saryarqa aýdanyn basqardy.
2022 jylǵy qyrkúiekten bastap Astana qalasy ákiminiń orynbasary qyzmetin atqaryp kelgen.
