Úkimet saǵatynda Májilis depýtattary sý resýrstary jáne irrigatsiia ministri Nurjan Nurjigitovke shúilikti. Ministr depýtattarǵa nege jaqpai qaldy? Dalanews.kz tarqatady.
"Qashanǵa deiin biýdjettiń aqshasyn qumǵa sińgizip otyramyz?"
Májilis depýtaty Erlan Sairov sý resýrstary jáne irrigatsiia ministri Nurjan Nurjigitovke saýal joldady. Onyń aitýynsha, elimizdiń aýdandarynda sý jetispeidi, áli kúnge deiin shetelden úlken qarajatqa sý satyp alyp otyrmyz.
"Sizdiń esebińizde Qazaqstandaǵy sý máselesiniń jaǵdaiy óte jaqsy, jaima shýaq, biraq ómirde olai emes qoi. Qazir Qazaqstannyń qai aimaǵy bolsa da, shyǵys, batys, ońtústik - qai jaǵynda da sý jetispeýshiligi bar. Men sizge bir-aq mysal keltireiin. Mysal úshin Batys Qazaqstan oblysynda Kaztalov aýdanynda sýdy Reseiden alyp otyr. QazSýshar jylyna 5 mlrd teńge berip, Reseiden sý alady.
Biraq sol sý keledi de, Jalpaqtaldan ótip, ári qarai qumǵa sińip ketedi. Sonda jylyna biýdjettiń 5 mlrd teńgesin qumǵa sińgizip otyrmyz. Jalpaqtalda sý qoimasyn salý jobasy osydan on jyl buryn bastalǵan, áli aiaqtalǵan joq. Osy máseleni qashan sheshesizder? Biz qashanǵa deiin biýdjettiń aqshasyn qumǵa sińgizip otyramyz?" - dedi ol.
Sonymen qatar, depýtat sýdy zańsyz paidalaný máselesin kóterdi.
"Ońtústiktegi eń mańyzdy másele - sýdy zańsyz paidalaný. Ol da Qazsýshardyń menedjmentine bailanysty. Qazsýshar jergilikti azamattarǵa sýdy ózderiniń parqymen zańsyz beredi degen aqparat bar. Osy máseleni qashan joiasyzdar? Jylyna sý resýrstarynyń qyryq paiyzy zańsyz ketedi eken... Áli kúnge deiin qolymyzda bar sýdy únemdeý mehanizmin jasaǵan joqsyzdar", - dep ashyndy Sairov.
"Reseiden alyp otyrǵanymyz ras"
Sý resýrstary jáne irrigatsiia ministri Nurjan Nurjigitov depýtattyń aitqany ras ekenin, degenmen aldaǵy ýaqytta BQO-da eki sý qoimasy salynatynyn, al qazir Reseimen jylda kelisimshartqa otyratyndaryn aitty. Ministrdiń sózinshe, sebebi onyń basqa sheshý joly joq.
"Erteń eki sý qoimasyn soǵamyz. Syiymdylyǵy - 50-60 mln tekshe metr. Al biz jylyna Reseiden 350 mln tekshe metr alyp jatyrmyz. Bul jalǵasyn tabady. Sebebi sol jerde otyrǵan eldi sýmen qamtamasyz etýimiz kerek. Sý jerge ketkenimen Batys Qazaqstannyń jerine ketip jatyr, jalpy ekologiiaǵa báribir áserin beredi. Sondyqtan beker qarajat bólip otyrmyz dep aita almaimyz", - dedi sheneýnik.
Ministr zańsyz sý satý deregi baryn da moiyndady.
"Aitqanyńyz ras. Búkil respýblika kóleminde Qazsýshar-men kelisimshart jasamai, sý alý máseleleri bar. Qalai sheship jatyrmyz? Kelisimsharttardy elektron túrge kóshirip jatyrmyz. Odan bólek ózimizdiń aqparattyq taldaý ortalyǵy arqyly sharýa qojalyǵy qanshalyq sý alǵany, qansha qarajat tústi degen júieni engizeiin dep otyrmyz. Ol júz paiyz máseleni sheshpeitin shyǵar, biraq úlken qural retinde járdem kórsetedi", - dedi ol.
Sonymen qatar, sheneýnik arnaiy komitet qurylǵanyn, onyń shtaty ulǵaitylǵanyn, bul baǵytta kadr máselesi de sheshilip, biraz laýazymdy tulǵa jumystan bosatylǵanyn, Jańa sý kodeksi kúshine ense, alda da sharalar qolǵa alynatynyn málimdedi.
