Sheshenstan basshysy Ramzan Qadyrovtyń uly Adam Qadyrov jol apatyna tústi. Bul týraly túrli derekkóz málimdedi, dep habarlaidy Dalanews.kz.
Derekkózderdiń biriniń aitýynsha, Qadyrov jetkizilgen meditsinalyq mekemege aparatyn joldar ýaqytsha jabylǵan.
Al oppozitsiialyq Niyso qozǵalysynyń málimetinshe, Adam Qadyrovtyń korteji joǵary jyldamdyqpen kele jatqan. Sonyń saldarynan kólikter birinen keiin biri soqtyǵysqan. Qozǵalys ókilderi zardap shekkender sany az emes ekenin jetkizgen.
Oqiǵadan keiin Groznyi qalasynyń birqatar kóshesi jabylyp, respýblikalyq aýrýhana ýaqytsha jumysyn toqtatqan. Oppozitsiialyq pablikter Adam Qadyrovtyń jaǵdaiy aýyr ekenin de habarlady.
Taǵy bir derekkóz Qadyrovtyń uly shuǵyl túrde Máskeýdegi aýrýhanalardyń birine jetkizilgenin málimdedi.
Aita keteiik, 18 jastaǵy Adam Qadyrov - Sheshenstan basshysy Ramzan Qadyrovtyń eń tanymal balalarynyń biri. Adam Qadyrovqa birqatar joǵary laýazym berilip, marapattar tabystalǵan. Qazir ol Sheshenstan qaýipsizdik keńesiniń hatshysy ári respýblikalyq Ishki ister ministrliginiń kýratory qyzmetin atqarady.
