Bul oraida Ertisbaev Qazaqstan prezidentiniń sailaýy qalai ótkenin eske saldy. Sol tusta Qazaqstannyń Belarýstegi elshisi bolǵan Ertisbaev dál sol kúni Minskidegi sailaý ýchaskesinde júrgen eken.
"Bizde bári ashyq jáne taza ótti. Dál solai bolýy tiis edi. Júzdegen adam keldi daýys berýge. Bizdiń ýchaskemizde Toqaev 53,8% daýys jinady, Qosanovqa shamamen 39-40% adam daýys berdi. Bul keremet nátije", - dep bastady Ertisbaev.
Onyń sózinshe, Lýkashenkoǵa qýlyq jetispei, ol ózine 80%-dan astam daýys "bergizdi", solaisha ol qatelik jasap qoidy.
– Eger Lýkashenko sailaýda 54-55% daýys alǵandai bolyp, al halyq Tihanovskaiaǵa 44-45% daýys berdi, degendei nátije jariialanǵanda, Belarýs bulaisha kóterilmes edi. Sosyn Lýkashenko sailaýdan keiin barlyq kandidattardy óz rezidentsiiasyna qonaqqa shaqyrýy tiis edi. Pýtin sońǵy sailaýda sóitti emes pe?
Barlyq kandidattardy jinap aldy da, "davaite, birge jumys isteiik" dedi. Óitkeni dialogqa shaqyrý degen ádistiń narazy piǵyldy basatyn "qasieti" bar. Sonda deimiz, halyqtyń 80% daýysyn alsa – olarǵa rezińke oq atýdyń qajeti bolar ma edi? Óz sózinde halyqty "ovtsy" dep, qoiǵa teńegeni de tym artyq boldy. Óte mańyzdy nárseler ǵoi munyń bári. Halyq degen narazylyq bildirýge qaqyly. Men Lýkashenkonyń kúsh qoldanyp jatqanyn qatelik dep sanaimyn. Halyq kóshege shyqsa – shyqsyn da, ereýilin jasap tura bersin. Bilikke ýzýrpatsiia jasaý – qylmysqa jatady, – dedi Ertisbaev.
