Inspeksıa qyzmetiniń aýmaǵy aǵyndary bar Ertis ózeniniń baseınimen, aǵynsyz aımaqqa kiretin ózenderdiń usaq baseınderimen – Óleńti, Shiderti, Ashysý jáne Túndikpen anyqtalady. Ákimshilik josparda ol tolyǵymen Shyǵys Qazaqstan jáne Pavlodar oblystaryn, Aqmola (batysta) jáne Qaraǵandy (ońtústik-batysta) oblystaryn qamtıdy.
Aǵymdaǵy jyldyń 4 aıynda 44 memlekettik qyzmet kórsetilip, 674 ótinish qaraldy. Onyń ishinde: sheshimin tapqany – 492, dáleldi bas tartý alǵany – 61, túsinikteme alǵany – 86, belgili bir negizdelgen sebepter boıynsha toqtatylǵany – 11. Aǵymdaǵy jyldyń mamyr aıynyń 5-shi juldyzynan bastap jeke jáne zańdy tulǵalardyń ótinishteri elektrondyq qujat aınalymynyń «E-ótinish» aqparattyq júıesinde tirkeýden ótedi. Qujattardy ınspeksıa qyzmetkerleri qabyldaıdy nemese «elektrondyq úkimet» portaly arqyly túsedi, bul ótinish berýshi men ótinishti qaraıtyn oryndaýshynyń arasyndaǵy baılanysta kedergi týdyrmaıdy. Memlekettik kórsetiletin qyzmetterdi alý rásimi neǵurlym qarapaıym jáne ashyq bolsa, sybaılas jemqorlyq deńgeıi soǵurlym tómen bolady.
– Inspeksıa basshylyǵymen sybaılas jemqorlyqqa qarsy baǵyttalǵan is-sharalar turaqty túrde ótkiziledi. Inspeksıa qyzmetkerleri baqylaý-ınspeksıalyq tekserýler kezinde sý paıdalanýshylarmen jáne sý tutynýshylarmen baılanysatynyn atap ótken jón. Bul bizdiń qyzmetimizdiń sybaılas jemqorlyq táýekelderiniń biri. Degenmen, mundaı táýekelderdiń bolýyna qaramastan ınspeksıada qyzmetkerlerdiń sybaılas jemqorlyq is-áreketteri tirkelgen joq. Sondaı-aq ınspeksıa qyzmetkerleriniń qandaı da bir sybaılas jemqorlyq is-áreketterine shaǵymdar túsken joq. Osyǵan oraı, búgingi tańda sybaılas jemqorlyqqa qarsy kúres jónindegi ınspeksıanyń jumysyn qanaǵattanarlyq dep esepteımin jáne sol deńgeıde ustaýǵa tyrysamyz, – deıdi Mırzan Imanjanov.
