ينسپەكسيا قىزمەتىنىڭ اۋماعى اعىندارى بار ەرتىس وزەنىنىڭ باسسەينىمەن، اعىنسىز ايماققا كىرەتىن وزەندەردىڭ ۇساق باسسەيندەرىمەن – ولەڭتى، شىدەرتى، اششىسۋ جانە تۇندىكپەن انىقتالادى. اكىمشىلىك جوسپاردا ول تولىعىمەن شىعىس قازاقستان جانە پاۆلودار وبلىستارىن، اقمولا (باتىستا) جانە قاراعاندى (وڭتۇستىك-باتىستا) وبلىستارىن قامتيدى.
اعىمداعى جىلدىڭ 4 ايىندا 44 مەملەكەتتىك قىزمەت كورسەتىلىپ، 674 ءوتىنىش قارالدى. ونىڭ ىشىندە: شەشىمىن تاپقانى – 492، دالەلدى باس تارتۋ العانى – 61، تۇسىنىكتەمە العانى – 86، بەلگىلى ءبىر نەگىزدەلگەن سەبەپتەر بويىنشا توقتاتىلعانى – 11. اعىمداعى جىلدىڭ مامىر ايىنىڭ 5ء-شى جۇلدىزىنان باستاپ جەكە جانە زاڭدى تۇلعالاردىڭ وتىنىشتەرى ەلەكتروندىق قۇجات اينالىمىنىڭ «ە-وتىنىش» اقپاراتتىق جۇيەسىندە تىركەۋدەن وتەدى. قۇجاتتاردى ينسپەكسيا قىزمەتكەرلەرى قابىلدايدى نەمەسە «ەلەكتروندىق ۇكىمەت» پورتالى ارقىلى تۇسەدى، بۇل ءوتىنىش بەرۋشى مەن ءوتىنىشتى قارايتىن ورىنداۋشىنىڭ اراسىنداعى بايلانىستا كەدەرگى تۋدىرمايدى. مەملەكەتتىك كورسەتىلەتىن قىزمەتتەردى الۋ ءراسىمى نەعۇرلىم قاراپايىم جانە اشىق بولسا، سىبايلاس جەمقورلىق دەڭگەيى سوعۇرلىم تومەن بولادى.
– ينسپەكسيا باسشىلىعىمەن سىبايلاس جەمقورلىققا قارسى باعىتتالعان ءىس-شارالار تۇراقتى تۇردە وتكىزىلەدى. ينسپەكسيا قىزمەتكەرلەرى باقىلاۋ-ينسپەكسيالىق تەكسەرۋلەر كەزىندە سۋ پايدالانۋشىلارمەن جانە سۋ تۇتىنۋشىلارمەن بايلانىساتىنىن اتاپ وتكەن ءجون. بۇل ءبىزدىڭ قىزمەتىمىزدىڭ سىبايلاس جەمقورلىق تاۋەكەلدەرىنىڭ ءبىرى. دەگەنمەن، مۇنداي تاۋەكەلدەردىڭ بولۋىنا قاراماستان ينسپەكسيادا قىزمەتكەرلەردىڭ سىبايلاس جەمقورلىق ىس-ارەكەتتەرى تىركەلگەن جوق. سونداي-اق ينسپەكسيا قىزمەتكەرلەرىنىڭ قانداي دا ءبىر سىبايلاس جەمقورلىق ىس-ارەكەتتەرىنە شاعىمدار تۇسكەن جوق. وسىعان وراي، بۇگىنگى تاڭدا سىبايلاس جەمقورلىققا قارسى كۇرەس جونىندەگى ينسپەكسيانىڭ جۇمىسىن قاناعاتتانارلىق دەپ ەسەپتەيمىن جانە سول دەڭگەيدە ۇستاۋعا تىرىسامىز، – دەيدى ميرزان يمانجانوۆ.
