Bul týraly Ortalyq klinikalyq aýrýhanasynyń neirohirýrgi Myńjylqy Berdiqojaev málimdedi dep habarlaidy Dalanews.kz.
Atiptiialyq pnevmoniiaǵa shaldyqqan azamattardy koronavirýspen aýyrǵandardyń statistikasyna engizý qajet. Maman pikirinshe ázir coronavirus2020.kz resmi saitynda kúnbe-kún jańaryp otyratyn málimet shyndyqqa sai emes.
Dáriger bul týraly áleýmettik jelidegi paraqshasynda egjei-tegjeili aityp, tiisti oryndarǵa videoúndeý joldady.
– Bul saittyń (coronavirus2020.kz, red.) málimetinshe talaidyń ómirin jalmaǵan qaýipti pnevmoniianyń koronavirýsqa qatysy joq eken. Osy sózge muqiiat mán berińizder. Aýrýhanadan tys pnevmoniiadan kóz jumǵandardyń kórsetkishin Covid-pen bailanystyrmai, bólek usynyp jatyrsyzdar. Statistikamen oinaýdy doǵarý kerek. Aýrý-syrqaýdyń halyqaralyq kodtaryn árli-berli aýdarystyrýdyń aqyry kómektiń keshigip kórsetilýine, aýrýhanaǵa jatýdan bas tartýǵa, ólim-jitimniń kóbeiýine alyp keldi, – deidi ashynǵan dáriger.
Soronavirus2020.kz saitynyń búgingi, 13 shilde kúngi deregine sai qaýipti indetten 375 adam ajal qushqan.
Al dárigerdiń aitýynsha aiaqasty órshigen pnevmoniiadan qaitys bolǵandardyń statistikasy bul saittyń esebine enbegen.
«Muny atipiialyq pnevmoniia dep qoryqpai aitý qajet. COVID-19 el arasynda pnevmoniianyń osy túriniń órshýine, asqynýyna alyp keldi. Bul jaitty ashyp aityp, moiyndaýǵa tiispiz», – deidi Myńjylqy Berdiqojaev.
Maman sózinshe aýrýhanadan tys pnevmoniiany antibakterialdy terapiiamen emdep jazady. Búginde bul terapiiaǵa virýsqa qarsy jáne gormonaldy dári-dármekter, antikoagýlianttar taǵaiyndalyp jatyr, alaida bul hattamada joq. Esesine koronavirýstyń hattamasyna engen.
Ambýlatorlyq deńgeide de álgi jaǵdai, dep atap ótti maman.
– Is júzinde aýrýhanada aýyr jatqan syrqattarǵa koronavirýs infektsiiasynyń hattamasynda kórsetilgen dári – dármekti taǵaiyndaýda. Qaǵaz júzinde olardy aýrýhanadan tys pnevmoniia esebinde kórsetýde.
Bizdiń júieniń oi-qyryn jaqsy biletin adam retinde aitaiyn, jaǵdai qalypqa kelgennen keiin, aiqai-shýdyń kókesin kóremiz. Sebebi ázirgi em-dom klinikalyq hattamaǵa sai emes. Aýrýhanadan tys pnevmoniia jaǵdaiynda antivirýsty dári-dármek taǵaiyndalmaý qajet, – deidi Myńjylqy Berdiqojaev.
Mamannyń pikirinshe, Qazaqstanda PTsR testileýi oń nátije kórsetkenderdi ǵana koronavirýs juqtyrǵandardyń esebine engizedi.
– Qazirgi málimet shynaiy jaǵdaimen úilespeidi. Kompiýter tomografiiasy jáne rentgen-zertteýi nátijesinde dáleldengen atipiialyq pnevmoniia jaǵdailary tikelei kovidpen bailanysty. Ony koronavirýstyq pnevmoniia dep ózgertip, ázir tek PTsR synamasymen ǵana rastalatyn statistikany qaita qaraý qajet, – deidi dáriger.
Álemge áigili Djon Hopkins atyndaǵy ýniversitettiń málimetinshe koronavirýs synamasy aýrýdyń túrli satysynda ártúrli nátije kórsetýi, sonyń ishinde teris nátije kórsetýi de múmkin, dep alyp-qosty maman.
