24 mamyrda Almaty qalasynyń ákimin taǵaiyndaýǵa kelisim berý úshin máslihattyń jinalysy ótedi, dep habarlaidy Dalanews.kz.
Bul týraly Almaty qalasynyń máslihaty habarlady.
"2022 jylǵy 8 maýsymdaǵy № 912 Qazaqstan Respýblikasy Prezidentiniń Jarlyǵymen bekitilgen Oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń oblys, respýblikalyq mańyzy bar qala jáne astana ákimin laýazymǵa taǵaiyndaýǵa kelisim berýi qaǵidalarynyń 5-tarmaǵyna sáikes, Almaty qalasynyń ákimin taǵaiyndaýǵa kelisim berý úshin Almaty qalasynyń máslihaty 2025 jylǵy 24 mamyr kúni saǵat 12:00-de VIII sailanymdaǵy Almaty qalasy máslihat depýtattarynyń jinalysy ótetindigin habarlaidy", – delingen habarlamada.
Aita keteiik,Erbolat Dosaev 2022 jylǵy 31 qańtardan beri Almaty qalasynyń ákimi qyzmetin atqaryp keledi.
Erbolat Dosaev ár jyldary túrli memlekettik laýazymdardy atqardy:
-
2001–2003: Qazaqstan Respýblikasynyń Qarjy ministriniń orynbasary
-
2003–2004: Densaýlyq saqtaý ministri
-
2004–2006: Indýstriia jáne saýda ministri
-
2012–2016: Ulttyq ekonomika ministri
-
2017–2019: «Báiterek» ulttyq basqarýshy holdingi» AQ basqarma tóraǵasy
-
2019–2022: Qazaqstan Respýblikasy Ulttyq bankiniń tóraǵasy
Ulttyq bank tizginin ustaǵan kezinde ol teńgeniń erkin ózgermeli baǵamy, infliatsiiany targetteý, bank sektoryn turaqtandyrý siiaqty birqatar ekonomikalyq reformalardy júrgizýge qatysqan.
