Túrkistan oblysy ákiminiń orynbasary Ertaı Altaev Otyrar aýdanyndaǵy iri kásiporyndardy aralap, josparlarymen tanysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.  

Eń aldymen «Túrkistan maqta agroónerkásiptik kesheni» JSHS-ne arnaıy baryp, zamanaýı agrotehnologıalardy engizý arqyly ónimdilikti arttyrǵan ınvestısıalyq jobanyń tıimdiligin kózben kórip, kásip ıelerimen kezdesti.

 Jobany «Túrkistan maqta agroónerkásiptik kesheni» JSHS men  «Túrkistan» ÁKK» AQ birlese júzege asyrylýda. Biregeı joba zamanaýı sý únemdeý tehnologıalaryn qoldana otyryp, joǵary standartty shıkizat bazasyn qalyptastyrýdy, sońǵy úlgidegi maqta óńdeý zaýyttaryn, tamshylatyp sýarý taspalaryn shyǵaratyn óndiris ornyn jáne basqa da ınfraqurylymdyq nysandardy qamtıdy.

Aralaý barysynda Ertaı Kenjebekuly jergilikti azamattardy jumyspen qamtamasyz etý, jumysshylardy qajetti jatyn oryndarymen qamtý, olardyń qaýipsizdigin qamtamasyz etý sekildi máselelerdi kóterip, jaýapty tulǵalarǵa atalǵan jumystardyń oryndalýyn qadaǵalaýdy tapsyrdy.

Sapar aıasynda Sháýildir aýylyndaǵy ortalyq sport alańynyń qurylysyn aralap, jóndeý jumystaryn qadaǵalady. Qurylysyna jaýapty merdiger kompanıalardyń basshylarymen tildesip birqatar mindetter júktedi. Merdigerler oblys ákiminiń orynbasaryna joba boıynsha atqarylyp jatqan jumystardy baıandap berdi. Ortalyq alańshanyń aǵymdaǵy jóndeý jumysy maýsym aıynda bastalyp, tamyz aıynda aıaqtalyp, el ıgiligine berilmek. Munda aýyl balalarynyń bos ýaqyttaryn tıimdi paıdalanyp, fýtboldan túrli jarystar ótkizýge múmkindikter qarastyrylǵan.

Aıta keteıik, ótken jyly oblysta 73 sport nysanynyń qurylysy aıaqtalsa, bıyl 51 nysannyń qurylysyn aıaqtaý josparlanýda.