Tanymal rejisser Ermek Tursynovtyń «Ninety One» toby ainalasyndaǵy shýǵa qatysty pikirin bildiripti. Onyń elimizdegi orystildi saittardyń birinde turaqty júrgizip turatyn blogy bar. Osy blogynda jariialanǵan kezekti maqalasyn Baq.kz saity aýdaryp basypty.
Tursynovtyń ár suhbaty, ár jazbasy ájeptáýir pikirtalas týǵyzatyn bolǵandyqtan ainalyp óte almadyq. Kópshilik rejisserdiń 91 tobyna qatysty aitqan oi-pikirine toqtalypty. Alaida bir jaitty nazardan qalys qaldyrǵan siiaqty. Tursynov sonymen qatar orystildi qaýym "natspattar" dep ataityn topqa da "kóńil bólipti". Al Baq.kz aýdaryp basqan maqalanyń mazmuny mynadai eken.
«Ult múddesin qorǵap júrgen azamattar ózderine jańa dushpan tapty. Endi olar «Ninety One» tobyn synap-mineýge kiristi. Sebebi, olar biz siiaqty qazaqtyń qara domalaqtaryna uqsamaidy. Olar káristerge uqsaidy. Shynynda bul top káristerden ainymaidy. «Kosmopolitter», internatsionalister men toleranttylyqty ustanatyn «keibir toptar» daryndy jastardy qorǵap baǵýda. Olar ár adam óz oiyn bildirýge quqyly degen ustanymda. Ásirese, «Ninety One» tobynyń stili olardyń kóńilinen shyǵady. Men Ońtústik Koreianyń Seýl qalasynda birneshe ret boldym. Ult múddesin qorǵap júrgen azamattardyń namysyna tise de aitaiyn: kárister qazaqstarǵa qatty uqsaidy. Ashyǵyn aitqanda, kárister oǵan basyn qatyrmaidy da. Basym bóligi bul týraly bilmeidi de. Árine, kárister ózderiniń qazaqqa uqsaitynymen maqtanbaidy», - deidi ol.
Ermek Tursynov bul daý-damaida eshkimdi qoldamaityndyǵyn ashyq jetkizdi.
«Shynymdy aitaiyn, bul daýda eki jaqty da qoldamaimyn. Sebebi, bul másele kontseptýaldyq emes. Bul daý – úlken men kishiniń, dúnietanymdyq kózqarastyń qaqtyǵysy. Maikige qarap tonnyń qasietterin taldaǵanmen teń», - dedi ol.
Osy turǵyda pikir bildirýshi shyǵarmashylyqta tanymal bolýdyń eń ońai joly – elikteý ekenin atap ótti. Sondai-aq, kóshirip basý, ekinshi bolý. Bir sózben aitqanda, maimyldyń áýresi. Dese de, bulardan basqa elimizde bári tamashadai synap-mineý, tyiym salý, tumshalaý – negizsiz ári júrekti ainytatyn janashyrlyq deidi bloger.
«Bizde basqa sheshimin tappaǵan másele joq siiaqty. Tipti, qazaqstandyq shoý biznes kileń jetistikter men uly jeńisterden turatyn sekildi. Ol jerde halyqty rýhani týyndylarymen sýsyndatatyn dúnieler jasalyp jatqandai... Óz basym, bul jerden ózara til tabysqan beisharalyqty, argressiialyq nadandyqty jáne jónsizdikti kórip turmyn.
Jigitter «pasha jumyrtqalary siiaqty» bastaryn túrli-tústi etip boiap, sahnada án aityp júr. Aita bersin! Olar sondai jasta.. Meniń oiymsha, shýdy bireý ádeii shaiqap otyr. Oidan shyǵarylǵan shý. Onyń sońynda kim jáne ne tur?»
- degen Ermek Tursynov «patriottardy» ózinshe sýrettep berýge tyrysty.
Tanymal rejisserdiń pikirinshe, bul máseleni belgili bir toptar ádeii byqsytyp otyr.
«Fazil Iskander birde : «Baqytsyz eldi qoǵam qairatkarleri sanynan bilesiń» dep beker aitpaǵan. Bizde syn aitqyshtardan kóp nárse joq... Itke (tas – red.) laqtyrsań, moraliske tiesiń. Olardyń ishinde, ásirese, ultshyl-patriottardyń (natsional-patriot – avt.) orny bólek. Bir sózben aitqanda «natspattar». Men olardy «nashister» dep ataimyn. Qýyrshaq kúreskerler. Oiynshyq batyrlar. Olardyń basty kásibi – bir adamnyń keipinde fashizm oiynyn oinaý. Qannyń tazalyǵy úshin kúresip júrgen lingvistikalyq filosoftardyń astarynda qara bastyń qamy ǵana»
- deidi Tursynov myrza.
Osy oraida ol ondai adamdardyń ózin fashisterge teńep, aitqan sózderin elemeýge shaqyrdy.
«Shyntýaitynda, olar Gitlerden myńjyldyq reih ideiasyn urlap alǵan. Biraq, sony bizge basqasha túrde kórsetýde. Olar jalǵan patriotimzniń kez kelgen valiýtada ótimdi ekendigin jaqsy biledi. Sondyqtan olar top-top bop birigip, otanǵa degen mahabbataryna kúshtep sendirýde. Olardy elemei, kóńil aýdarmaýǵa bolady. Kóp kedergisi de joq negizi. Tóbettiń úrgeni qandenge kedergi emes degendei», - dep jazdy Ermek Tursynov ratel.kz caityna jariialaǵan maqalasynda.
