تانىمال رەجيسسەر ەرمەك تۇرسىنوۆتىڭ «Ninety One» توبى اينالاسىنداعى شۋعا قاتىستى پىكىرىن ءبىلدىرىپتى. ونىڭ ەلىمىزدەگى ءورىستىلدى سايتتاردىڭ بىرىندە تۇراقتى جۇرگىزىپ تۇراتىن بلوگى بار. وسى بلوگىندا جاريالانعان كەزەكتى ماقالاسىن Baq.kz سايتى اۋدارىپ باسىپتى.
تۇرسىنوۆتىڭ ءار سۇحباتى، ءار جازباسى اجەپتاۋىر پىكىرتالاس تۋعىزاتىن بولعاندىقتان اينالىپ وتە المادىق. كوپشىلىك رەجيسسەردىڭ 91 توبىنا قاتىستى ايتقان وي-پىكىرىنە توقتالىپتى. الايدا ءبىر جايتتى نازاردان قالىس قالدىرعان سياقتى. تۇرسىنوۆ سونىمەن قاتار ءورىستىلدى قاۋىم "ناسپاتتار" دەپ اتايتىن توپقا دا "كوڭىل ءبولىپتى". ال Baq.kz اۋدارىپ باسقان ماقالانىڭ مازمۇنى مىناداي ەكەن.
«ۇلت مۇددەسىن قورعاپ جۇرگەن ازاماتتار وزدەرىنە جاڭا دۇشپان تاپتى. ەندى ولار «Ninety One» توبىن سىناپ-مىنەۋگە كىرىستى. سەبەبى، ولار ءبىز سياقتى قازاقتىڭ قارا دومالاقتارىنا ۇقسامايدى. ولار كارىستەرگە ۇقسايدى. شىنىندا بۇل توپ كارىستەردەن اينىمايدى. «كوسموپوليتتەر»، ينتەرناسيوناليستەر مەن تولەرانتتىلىقتى ۇستاناتىن «كەيبىر توپتار» دارىندى جاستاردى قورعاپ باعۋدا. ولار ءار ادام ءوز ويىن بىلدىرۋگە قۇقىلى دەگەن ۇستانىمدا. اسىرەسە، «Ninety One» توبىنىڭ ءستيلى ولاردىڭ كوڭىلىنەن شىعادى. مەن وڭتۇستىك كورەيانىڭ سەۋل قالاسىندا بىرنەشە رەت بولدىم. ۇلت مۇددەسىن قورعاپ جۇرگەن ازاماتتاردىڭ نامىسىنا تيسە دە ايتايىن: كارىستەر قازاقستارعا قاتتى ۇقسايدى. اشىعىن ايتقاندا، كارىستەر وعان باسىن قاتىرمايدى دا. باسىم بولىگى بۇل تۋرالى بىلمەيدى دە. ارينە، كارىستەر وزدەرىنىڭ قازاققا ۇقسايتىنىمەن ماقتانبايدى»، - دەيدى ول.
ەرمەك تۇرسىنوۆ بۇل داۋ-دامايدا ەشكىمدى قولدامايتىندىعىن اشىق جەتكىزدى.
«شىنىمدى ايتايىن، بۇل داۋدا ەكى جاقتى دا قولدامايمىن. سەبەبى، بۇل ماسەلە كونسەپتۋالدىق ەمەس. بۇل داۋ – ۇلكەن مەن كىشىنىڭ، دۇنيەتانىمدىق كوزقاراستىڭ قاقتىعىسى. مايكىگە قاراپ توننىڭ قاسيەتتەرىن تالداعانمەن تەڭ»، - دەدى ول.
وسى تۇرعىدا پىكىر ءبىلدىرۋشى شىعارماشىلىقتا تانىمال بولۋدىڭ ەڭ وڭاي جولى – ەلىكتەۋ ەكەنىن اتاپ ءوتتى. سونداي-اق، كوشىرىپ باسۋ، ەكىنشى بولۋ. ءبىر سوزبەن ايتقاندا، مايمىلدىڭ اۋرەسى. دەسە دە، بۇلاردان باسقا ەلىمىزدە ءبارى تاماشاداي سىناپ-مىنەۋ، تىيىم سالۋ، تۇمشالاۋ – نەگىزسىز ءارى جۇرەكتى اينىتاتىن جاناشىرلىق دەيدى بلوگەر.
«بىزدە باسقا شەشىمىن تاپپاعان ماسەلە جوق سياقتى. ءتىپتى، قازاقستاندىق شوۋ بيزنەس كىلەڭ جەتىستىكتەر مەن ۇلى جەڭىستەردەن تۇراتىن سەكىلدى. ول جەردە حالىقتى رۋحاني تۋىندىلارىمەن سۋسىنداتاتىن دۇنيەلەر جاسالىپ جاتقانداي... ءوز باسىم، بۇل جەردەن ءوزارا ءتىل تابىسقان بەيشارالىقتى، ارگرەسسيالىق ناداندىقتى جانە جونسىزدىكتى كورىپ تۇرمىن.
جىگىتتەر «پاسحا جۇمىرتقالارى سياقتى» باستارىن ءتۇرلى-تۇستى ەتىپ بوياپ، ساحنادا ءان ايتىپ ءجۇر. ايتا بەرسىن! ولار سونداي جاستا.. مەنىڭ ويىمشا، شۋدى بىرەۋ ادەيى شايقاپ وتىر. ويدان شىعارىلعان شۋ. ونىڭ سوڭىندا كىم جانە نە تۇر؟»
- دەگەن ەرمەك تۇرسىنوۆ «پاتريوتتاردى» وزىنشە سۋرەتتەپ بەرۋگە تىرىستى.
تانىمال رەجيسسەردىڭ پىكىرىنشە، بۇل ماسەلەنى بەلگىلى ءبىر توپتار ادەيى بىقسىتىپ وتىر.
«فازيل يسكاندەر بىردە : «باقىتسىز ەلدى قوعام قايراتكارلەرى سانىنان بىلەسىڭ» دەپ بەكەر ايتپاعان. بىزدە سىن ايتقىشتاردان كوپ نارسە جوق... يتكە (تاس – رەد.) لاقتىرساڭ، موراليسكە تيەسىڭ. ولاردىڭ ىشىندە، اسىرەسە، ۇلتشىل-پاتريوتتاردىڭ (ناسيونال-پاتريوت – اۆت.) ورنى بولەك. ءبىر سوزبەن ايتقاندا «ناسپاتتار». مەن ولاردى «ناشيستەر» دەپ اتايمىن. قۋىرشاق كۇرەسكەرلەر. ويىنشىق باتىرلار. ولاردىڭ باستى كاسىبى – ءبىر ادامنىڭ كەيپىندە فاشيزم ويىنىن ويناۋ. قاننىڭ تازالىعى ءۇشىن كۇرەسىپ جۇرگەن لينگۆيستيكالىق فيلوسوفتاردىڭ استارىندا قارا باستىڭ قامى عانا»
- دەيدى تۇرسىنوۆ مىرزا.
وسى ورايدا ول ونداي ادامداردىڭ ءوزىن فاشيستەرگە تەڭەپ، ايتقان سوزدەرىن ەلەمەۋگە شاقىردى.
«شىنتۋايتىندا، ولار گيتلەردەن مىڭجىلدىق رەيح يدەياسىن ۇرلاپ العان. ءبىراق، سونى بىزگە باسقاشا تۇردە كورسەتۋدە. ولار جالعان ءپاتريوتيمزنىڭ كەز كەلگەن ۆاليۋتادا ءوتىمدى ەكەندىگىن جاقسى بىلەدى. سوندىقتان ولار توپ-توپ بوپ بىرىگىپ، وتانعا دەگەن ماحابباتارىنا كۇشتەپ سەندىرۋدە. ولاردى ەلەمەي، كوڭىل اۋدارماۋعا بولادى. كوپ كەدەرگىسى دە جوق نەگىزى. توبەتتىڭ ۇرگەنى قاندەنگە كەدەرگى ەمەس دەگەندەي»، - دەپ جازدى ەرمەك تۇرسىنوۆ ratel.kz caيتىنا جاريالاعان ماقالاسىندا.
