Bul týraly onyń advokaty Janar Balǵabaeva áleýmettik jelige jazdy.
«31.07.2023 jyl. Tańerteńgi ýaqyt. Jaqsy jańalyqtar kóp bolsyn. Ermek Narymbaidy qarsy aldyq. Ony qarsy qarsy alý úshin Zarechnyi kentine barýǵa jinalyp jatqandardyń bárine qulaǵdar eteiin, ol qazirdiń ózinde Almatyda», – dep jazdy advokat.
Aita keteiik, 13 shildede Qonaev qalalyq soty 28 shildede bostandyqqa shyǵarýǵa sheshim shyǵarǵan. Biraq onyń qamaý merzimi keiin taǵy úsh kúnge sozylǵan edi. Sol úshin ol ashtyq jariialaǵanyn málim etti. Sot oǵan kóptegen shekteýler qoiǵany belgili boldy.
– Maǵan suhbattasýǵa, áleýmettik jelilerge, tipti «Qaǵanat» ashanalaryna, jol boiyndaǵy kafelerge barýǵa shekteý qoiyldy. Sonymen qatar bank qyzmetterin, bank kartasyn, aýdarymdardy, jalaqyny, notariýstyń qyzmetterin alýǵa tyiym salynady, – deidi belsendi.
