Ermegiiaev Prezidentke jalǵan aqparat beriletinin aitty
Kóptegen aiyptalýshylardyń júikesi syr berdi. Sonyń ishinde Mádina Dáýletbaeva kózine jas ala otyryp ózine qatysty ádil sheshim shyǵarýdy ótindi. Aita keteiik, oǵan senip tapsyrylǵan múlikti urlaý jáne menshikteý aiyby taǵylyp, jalpyǵa birdei koloniiada segiz jyl boiy jazasyn óteýi múmkin.
Dáýletbaevaǵa jeńildetilgen jazany taǵaiyndaýdy basqa da aiyptalýshylar da ótindi. Bireýler ony jaqsy biletindigin, bireýler onyń eshqandai qylmys jasamaǵandyǵyn alǵa tartyp, qatań jazaǵa laiyq emes, dep jatty.
Al, basty figýrant ózin nyq ári erkin sezindi. Ol óziniń aqtyq sózinde, ózine qatysty kýálik etýshi aiyptalýshylar jeńil jaza alý úshin ótirik kýálik etip jatyr dedi.
"Meni ózim jasamaǵan qylmystar úshin qýdalaýda. (...) Memlekettik qyzmette talai jyl eńbek etken adam retinde, senimdimin, olar bul protsestiń mán-jaiyn biledi. Senimdi túrde aita alamyn, Prezidentke jalǵan aqparat beriledi, sondai-aq myna aiyptaýlarda jalǵan. Olar Prezidentke ózderine yńǵaily aqparatty ǵana beredi. Elbasynyń bizdiń áreketterimizdiń memleketke zardabyn timegenin bilmeitinine senimdim. EKSPO-ǵa jasalǵan barlyq sharalar, elimizdiń paidasy úshin jasaldy. Qazir sotta rastalmaǵan kóp aiyptaýlar taǵyldy,aiyptaý bazasynda kúńgirt dúnieler kóp", - dedi Ermegiiaev.
Aita keteiik, figýranttyń aqtyq sózinen keiin zalda qol shapalaqtaýlar boldy.
Basty figýranttyń qorǵaýshysy Daniiar Qanafin sotqa óziniń qorǵap otyrǵan adamǵa taǵylǵan iaǵni para alǵandyǵyn, aqsha jymqyrdy jáne memleketke zalal keltirdi degen aiyptýlardyń eshqaisysy dáleldenbegenin alǵa tartqan.
Esterińizge sala keteiik, Prokýror Talǵat Ermegiiaevti 14 jylǵa bas bostandyǵynan aiyrýdy surady. Oǵan úsh epizod boiynsha, "Asa iri kólemde para alý" jáne "Ózgeniń múlkin asa iri kólemde iemdený men shashý" aiyby taǵylǵan.
