Shara aiasynda oblys ákimi Janseiit Túimebaev bastaǵan óńir ardagerleri men ziialy qaýym ókilderi «Jeńis» saiabaǵyndaǵy Uly Otan soǵysynyń batyry, general Sabyr Raqymovtyń eskertkishine gúl shoqtaryn qoidy. Jiynda aimaq basshysy Janseiit Qanseiituly jurtshylyqty jańa ǵimarattyń ashylýymen quttyqtady.
«Erlik» mýzeii 2012 jyly jeltoqsan aiynda ashylyp, 2013 jyly 19 shildede OQO tarihi-ólketaný mýzeiiniń «Erlik» filialy retinde resimdelgen. Ǵimarattyń aýmaǵy buryn 209,6 sharshy metr bolsa, oblys ákimdiginiń qoldaýymen qosymsha qurylys júrgizilip, 285 sharshy metrge jańa ǵimarat salynyp otyr. Jańadan ashylǵan eki qabatty ǵimaratta eki ekspozitsiialyq zal, 50 oryndyq májilis zaly, eksponattardy saqtaityn jáne qyzmetkerler jumys isteitin bólmeler bar. Bul murajaida soǵys ardagerleriniń erlikterin dáripteýmen qatar ziialy qaýym ókilderimen kezdesýler jáne ózge de tarihi-tanymdyq is-sharalar ótkiziletin bolady.
