15 aqpanda KSRO áskerleriniń Aýǵanstan jerinen shyqqanyna 29 jyl bolady. Qyzyl Armiianyń shekteýli kontinenti on jyl boiy aýǵan halqymen birge soǵys áreketterin júrgizdi. 1989 jyly aqpannyń 15 kúni KSRO-nyń sońǵy áskeri bólimi Kabýldan shyqty. «Aýǵan soǵysynyń tabiǵaty da tarihy da ózgeshe. Ol ýaqytta 18 ben 20-nyń arasyndaǵy órimdei jastar, bas-aiaǵy 22 myń qazaqstandyq ózge azamattar mamyrajai tirshilik etip jatqan kezde bóten elde ózderiniń el aldyndaǵy boryshyn ótedi.
Sharaǵa qatysqan Aýǵan ardagerleri Aýǵan soǵysy jóninde jastarǵa qyzyqty áńgimeler aitty. Kitaphana direktory Gúljainar Nárenqyzy aýǵan soǵysy jaily óz oiyn aityp, jyldar ótkenimen jaýyngerlerimizdiń óshpes erligi el esinde saqtalýda,-deidi. Sonymen birgebúgingi qatysyp otyrǵan ardagerlerimizden de bólek Balqasymov Aslan Nurqasynuly, Qoilybaev Marat Aitýǵanuly, Aitbaev Nurlan jáne t.b. ardagerlerdiń erligi týraly maǵulmat berip, elin, jerin qorǵaityn, namysshyl azamat, azamatsha bolyp ósýlerine tilek bildirdi. Kesh barysynda «Afganistan bolit v moei dýshe» atty beinebaian jáne slaid kórsetildi. Aqtóbe gýmanitarlyq kolledjiniń stýdenti, «Aq qaýyrsyn» klýbynyń múshesi Qyzyl Dinara Baqytbek Smaǵuldyń «Aýǵandaǵy aqiqat» óleńin, №16 orta mektebiniń oqýshylary Dariý Maliýta, Melnichenko Anastasiia, Jaqsylyqova Jansaia ardagerlerge arnap óleńderdi naqyshyna keltirip oqydy. «Búrkit» patriottyq klýbynyń músheleri «Qazaqstan sarbazdary» patriottyq ánin oryndap, fleshmob biledi.Ǵ.Jubanova atyndaǵy oblystyq filarmoniianyń ánshisi AdahanovaAlma «Saǵynysh sazy», «Nadejda», «Katiýsha» ánderin oryndady. Kitaphanashy Muqasheva Altynai «Aýǵan soǵysy:shyndyq, tarih, taǵylym»kitap kórmesimen jáne «Erlikke taǵzym» atty ziialy qaýym ókilderiniń oi-pikirlerinen kórme qoiylyp, tanystyrdy.
Gúljan ÓTEGENOVA, S.Jienbaev atyndaǵy Aqtóbe oblystyq jasóspirimder kitaphanasynyń kitaphanashysy.
Aqtóbe qalasy.
