– Búgingi tańda el halqynyń demokratiiaǵa degen suranysy joǵary. Al barlyq saiasi protsester osy suranysqa jaýap berý maqsatynda qolǵa alynýda.
Aldymyzda Parlament Májilisi depýtattarynyń kezekti sailaýy kele jatyr. Bul qoǵamdaǵy áleýmettik máselelerdi kóteretin jańa liderlerdi irikteýdiń múmkindigi. Osy oraida azamattardyń saiasi belsendiligin arttyrý kerek.
Qazaqstan turaqsyz álemdegi turaqty memleketterdiń biri. Mine, biz osyny saqtaýymyz qajet. Saiasi turaqtylyq – basty qundylyq, – dedi Erlan Sairov.
Onyń aitýynsha, QR Prezidenti Qasym-Jomart Toqaevtyń bastamasymen qoǵam suranystaryna orai zańǵa birshama ózgerister engizilip, talai igi sharalar qolǵa alynýda.
– Bul rette «Halyq únine qulaq asatyn memleket» tujyrymdamasyna sai keletin miting týraly zańdy aitýǵa bolady. Al sailaý týraly jańa zańnyń nátijesinde partiia tiziminde áielder men jastarǵa 30 paiyzdyq kvota berilgendigi belgili. Búkil álemdi qyspaqqa alǵan koronavirýs pandemiiasyna qaramastan elimizde áleýmettik salaǵa basa mán berilýde. Sońǵy 4 jylda Qazaqstanda 3 myńnan astam balabaqsha, 2 myńnan astam mektep salynǵan. Osyndai ońdy ózgeristerdiń arqasynda halyqtyń bilikke degen senimi artyp keledi, – dedi Eýraziialyq integratsiia institýtynyń direktory.
Óz sózinde ol jurtshylyqty Parlament Májilisi depýtattarynyń sailaýyna belsendi qatysýǵa shaqyrdy.
