Erlan Sairov: «Dini ustanymy qazaqqa jaqyn imamdar Dini basqarmadan qýylyp jatyr»

 Saiasattanýshy Erlan Sairov Qazaqstan musylmandary Dini basqarmasyna qatysty oi-pikirin ortaǵa salypty. 

Erqanat Ábeni elimizdiń Bas Mýftii jóninde pikirin bildirgen eken. Moiyndaý kerek, sońǵy kezderi elimizdiń Dini basqarmasynyń úni álsirep bara jatqany — shyndyq.

Biraq, osy olqylyq úshin dástúrli dindarlardy kinálaý ábestik tárizdi. Tarazyny teń qarastyratyn bolsaq,

din aǵymdary arasynda da lobbi, óz múddelerin «tyqpalaý» ádisteri qalyptasqan.

Osy «lobbi» máselesi boiynsha, bizdiń Hanafittik ustanym kósh-kerýen qalyp qoiǵan. Men óz basym, din máselesimen kásibi ainalaspasam da, syrt kóz saraptama jasap, din ókilderimen oqtyn-oqtyn habarlasyp júremin.

Sońǵy kezderi mynadai tendentsiia paida boldy,

dini ustanymy qazaqqa jaqyn, Orta Aziia, Qazaqstanda dini saýat alǵan imamdar Qazaqstan musylmandary Dini basqarmasynan qýylyp jatyr.

Onyń arǵy jaǵynda múddeler toǵysy tur.

Qai baǵyttyń múddesi ekendigi beseneden belgili. Bul da úlken problema. Joǵary jaqta basqa dini aǵymdardyń múddeleri «shegelenip» tastalǵan degen pikir de joq emes, halyq arasynda.

Osy seńdi qalai buzýǵa bolady?

Bul máseleni memleket, qoǵam bolyp birlese sheshý kerek.

Meniń oiymsha, Din máselesin keshendi túrde sheshetin ýaqyt jetken tárizdi. Osy maqsatta kelesi áreketterdi júzege asyrý qajet dep sanaimyn:

1. Din Komitetiniń quzyryn keńeitip, qaitadan Agenttik qurý qajet.

2. Elimizde dástúrli din máselesin keshendi oqytatyn Orta Aziialyq dástúrli Din jáne mádeniet ýniversitetin qurý qajet. Ol jerge dástúrli din baǵytyndaǵy teolog, din teoretikterin, óz elimizdegi praktikterdi jiiý qajet.

3. QMDB-niń quzyretin arttyra otyryp,qoǵam men din institýttarynyń arasyndaǵy bailanysty kúsheitý kerek.

4. QMDB-niń janynda Qoǵamdyq keńes quryp, onyń quramyna belgili qoǵam qairatkerlerin, saiasattanýshy, áleýmettanýshylardy kirgizý mańyzdy.

5. Jer-jerdegi meshitterdegi ýaǵyzdardyń mán-jaiyn, mazmunyna jurtshylyq bolyp saraptama, baqylaý jasaý qajet.

6. Mektepte, bala baqshalarda dástúrli din negizderin engizý ózekti. Bul óte mańyzdy, óitkeni bala kezinen dástúrli islamnyń ne ekendigin biletin jetkinshek, basqa baǵyttyń elegine túspeidi.

7. Din men mádeniet egiz uǵym, qazaqtyń dástúrli mádenietin elimizde tórge shyǵarý tetikterin jasaý qajet.

Derekkóz: kaz.365info.kz