Qazaqstan strategiialyq zertteýler institýnyń direktory Erlan Qarin elimizde VKontakte áleýmettik jelisin múldem buǵattap tastaýdy usyndy. Bul týraly ol óziniń Facebook-paraqshasynda málimdedi.
Sarapshynyń aitýynsha, atalǵan reseilik jeliden keletin qaýip basym.
"Sońǵy oqiǵalar kezindegi jaǵdailarda, Feisbýk emes, eń aldymen VKontakte jelisin ia tejeý, ia múldem toqtatý kerek. Negizi barlyq jónsiz, mánsiz jáne qaýipti bálekettiń bári sonda" deidi E.Qarin. Onyń pikirin belgili saiasattanýshy Aidos Sarym da qoldap otyr. Ol barlyq bále-jala men separatizmdi osy VKontakte jelisinen tabýǵa bolatynyn jazdy.
Aita keteiik, keshegi Aqtóbede oryn alǵan terrorlyq aktilerden keiin quqyq qorǵaýshylar óltirilgen jáne ustalǵan lańkesterdiń áleýmettik jelidegi paraqshalaryn aqtaryp kórdi. Barlyǵy derlik VKontakte jelisine tirkelip, Internettegi dini toptardyń múshesi bolǵan.
Jalpy, atalǵan jelide tek radikaldy dini aǵymdar ǵana emes, pornografiialyq mazmundaǵy, jastardy sýitsidke shaqyratyn kontent jetip artylady. Bizdiń quzyrly organ ókilderi VKontakte jelisin tolyqtai emes, tek ishindegi jekelegen toptardy ǵana buǵattaýdan ary asa almaýda.
DEREKKÓZ: sn.kz
