Qazaqstan Respýblikasynyń Memlekettik keńesshisi Erlan Qarin elimizge jumys saparymen kelgen Ózbekstan Respýblikasy Prezidentiniń kómekshisi Saida Mirziioevamen júzdesti, dep habarlaidy Dalanews.kz.
Aqorda baspasóz qyzmetiniń habarlaýynsha, kezdesýde taraptar mádeni-gýmanitarlyq saladaǵy eki jaqty qarym-qatynastyń ózekti máselelerin, sondai-aq birlesken jobalardy júzege asyrý perspektivasyn talqylady. Mádeniet jáne óner salasyndaǵy yqpaldastyqty tereńdetý ári tájiribe almasý máselelerine basa nazar aýdaryldy.
Erlan Qarin Qazaqstanda júrgizilip jatqan ózgerister, sonyń ishinde Prezident Qasym-Jomart Toqaevtyń Ulttyq quryltaidyń Býrabaida ótken IV otyrysynda kótergen jańa bastamalary týraly aitty.
Jumys sapary aiasynda eki el arasyndaǵy mádeni dialogty damytýǵa baǵyttalǵan is-sharalar uiymdastyrylady. Atap aitqanda, Erlan Qarin men Saida Mirziioeva Á. Naýai atyndaǵy Ózbekstan memlekettik opera jáne balet Úlken teatrynyń «Lazgi. Tanets dýshi i liýbvi» atty qoiylymyn tamashalady. Sonymen qatar sýretshi Oral Tańsyqbaevtyń keskindemelik jáne grafikalyq jumystarynyń kórmesi ótedi.
Kezdesý qorytyndysy boiynsha taraptar mádeni-gýmanitarlyq saladaǵy tyǵyz yntymaqtastyqty jalǵastyrýǵa ýaǵdalasty.
