Elimizde Energetika ministri jańadan taǵaiyndaldy. Bul týraly Aqorda jariialaǵan Memleket basshysynyń Jarlyǵynda aitylady, dep habarlaidy Dalanews.kz.
"Memleket basshysynyń Jarlyǵymen Erlan Qudaibergenuly Aqkenjenov Qazaqstan Respýblikasynyń Energetika ministri laýazymyna taǵaiyndaldy", delingen Jarlyqta.
Al buǵan deiingi ministr Almasadam Sátqaliev elimizde jańadan qurylǵan Atom energiiasy jónindegi agenttiginiń tóraǵasy bolyp taǵaiyndalǵan bolatyn.
Aita ketsek, Memleket basshysy Qasym-Jomart Toqaev 2025 jyly 18 naýryzda "Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly" Jarlyqqa qol qoidy. Oǵan sáikes Qazaqstan Respýblikasynyń Atom energiiasy jónindegi agenttigi quryldy. Al 2024 jyly 14 naýryzda Býrabaida ótken Ulttyq quryltaidyń IV otyrysynda Memleket basshysy Qasym-Jomart Toqaev Prezident janyndaǵy Iadrolyq energetika agenttigin qurý týraly sheshim qabyldaǵanyn jariialady.
"Azamattarymyz referendýmda birinshi atom elektr stansasyn salý týraly sheshimge qoldaý kórsetip, osy mindetti oryndaýǵa jol ashyp berdi. Bul qadam alys bolashaqtaǵy ahýal qalai bolatynyn eskere otyryp, energetika salasyn keshendi túrde, jan-jaqty oilastyryp damytý qajettigin kórsetedi.Másele elimizdiń energiiaǵa degen qazirgi suranysyn qanaǵattandyrýǵa ǵana tirelip turǵan joq. Biz úshin el ekonomikasynyń ondaǵan jyl boiy qarqyndy damýyna berik negiz bolatyn jańa energetika salasyn qalyptastyrýdyń strategiialyq mańyzy bar. Men, dál sol sebepti, Qazaqstanǵa bir emes, úsh atom elektr stansasyn salyp, aqyrynda tolyqqandy iadrolyq klaster qalyptastyrý qajet dep esepteimin", - degen Memleket basshysy osy mindettiń airyqsha mańyzdy ekenin eskerip, óziniń Prezident janyndaǵy Iadrolyq energetika agenttigin qurý týraly sheshim qabyldaǵanyn jetkizgen edi.
Bul rette Memleket basshysy bizderdiń gaz ben kómir óndirý isindegi múmkindikterimizdi, sondai-aq jańartylatyn qýat kózderiniń áleýetin tolyq paidalanýymyz kerek dep sanaidy.
