Erjan Babaqumarov bilikti kadrlar daiarlaityn kolledjderdiń jabdyqtalýymen tanysty
«Jas maman» jobasy kolledjderdi qazirgi zamanǵy jabdyqtarmen jaraqtandyrý arqyly jańǵyrtýǵa jáne jas mamandardyń neǵurlym suranysqa ie kásipter boiynsha daǵdylaryn qalyptastyrýǵa baǵyttalǵan.
Almatyda oqý oryndarynyń materialdyq bazasyn nyǵaitý maqsatynda joba aiasynda memlekettik qoldaý sharalarymen 18 kolledj qamtyldy, oǵan joǵary tehnologiialyq innovatsiialyq jabdyqtar, tehnika men kompiýterler satyp alynyp, jetkizildi.
Máselen, 2021-2022 jyldary osy joba sheńberinde kadrlar daiarlaýǵa memlekettik tapsyrys 11 405 orynǵa, onyń ishinde «Eńbek» baǵdarlamasy boiynsha 2500 orynǵa 48 kolledjde ornalastyryldy. Ótken jyly 11 219 oryn bólindi. Aita ketsek, oqytý tegin negizde ótedi jáne tańdalǵan mamandyqqa bailanysty 2-3 jylǵa sozylady.
Sapar barysynda jobalaý, qurastyrý, júielerdi iske qosý jáne qyzmet kórsetýge deiingi tolyq tizbekti iske asyrý úshin interaktivti jabdyqpen jabdyqtalǵan oqý-óndiristik sheberhanalar, oqý sabaqtarynyń aýditoriialary qaraldy. Energetika jáne elektrondyq tehnologiialar kolledjinde qala ákiminiń orynbasary jańartylatyn energiia kózderi, elektr jabdyqtary salasyndaǵy zerthanalarda, kún panelderin qurastyrý tsehynda boldy. Sondai-aq, bilim alýshylardyń salaýatty ómir saltyn damytý úshin qajetti jaǵdailar qaraldy. Mysaly, kolledjde jan-jaqty jabdyqtalǵan sport kesheni – voleibol, basketbol alańdary, fýtbol alańy, tennis zaly, boks zaly, workout aimaǵy bar.
Qala ákiminiń orynbasary Erjan Babaqumarov oqý ýaqytynyń 40%-na deiin kásiporyndarda ótkizetin oqýshylardy dýaldy oqytýdyń jańa zerthanalary men óndiristik synyptarynyń bazasyn damytý boiynsha mindetterdi belgiledi.
Osy maqsatta biznes-qoǵamdastyqpen yntymaqtastyq boiynsha jumysty kúsheitý, onyń ishinde túlekterdi odan ári jumysqa ornalastyrýdy qamtamasyz etý tapsyryldy.
Kolledjderdi jańǵyrtý, respýblikalyq jáne halyqaralyq deńgeilerde talap etiletin bilikti mamandardy daiarlaýdyń halyqaralyq tájiribesin engizý, jekelegen mamandyqtar boiynsha quzyrettilik ortalyqtaryn uiymdastyrý, sondai-aq WorldSkills chempionattaryna qatysýshylardy daiyndaý boiynsha birqatar tapsyrmalar berildi.
