Qarjy ministrligine qarasty Memlekettik kiris komitetiniń tóraǵasy Dáýlet Erǵojin facebook áleýmettik jelisindegi «Kóleńkeli biznespen kúres» ashyq tobynda «Qurmetti dostar! Biz barlyq áleýmettik jeliden offlainǵa ketip jatyrmyz. Jazbasha suraq-jaýap túrinde jumys jasaimyz. Túsinistik tanytqandaryńyzǵa rahmet!» dep jazdy. Bul neni bildiredi? Sońǵy kezderi kóleńkeli biznespen kúresti kúsheitip, salyq júiesine jańa tehnologiia engizip, árbir taýardyń shekaradan ótkennen tutynýshy qolyna jetken deiingi aralyqtaǵy júrisin baqylap, salyq tólemin qatań qadaǵalaityn júielerdi júrgizip ári memlekettik kiris komitetiniń quzyryna kiretin jumystardyń denin qoǵamǵa ashyqtyq jaǵdaiynda júrgizilýine belsene kirisip, barlyq áleýmettik jelilerde jumys júrgizip, ózi de túrli jiyndar men otyrystar ótkizý arqyly kóptegen máselelerdi túsindirip, sarapshylarmen birlesip, ortaq talqyǵa salyp júrgen Erǵojinniń áreketi bireýlerge unamaǵan bolýy kerek dep topshylaýǵa bolady. Biraq, Erǵojinniń ózi joǵarydaǵy sózinen basqa ashyp eshteńe aitpaǵan.
Prezident N.Nazarbaev memlekettik organdardyń halyqpen tyǵyz jumys jasaýyn, ashyqtyqqa bet burýyn únemi aityp keledi. Prezidenttiń aitqanyn oryndaǵandai jumys istei bastaǵan memlekettik kiris komitetiniń áreketi kimge unamai qalǵany túsiniksiz. Qalai bolǵanda da, salyqtan jaltaryp, milliardtaǵan qarajat ainalymynda júrgen kóleńkeli biznestiń qoly uzyn keletinine eshkim kúmándana qoimas. Degenmen, memlekettik organ – memlekettik kiris komitetiniń zamanaýi kommýnikatsiialyq tehnologiiany paidalanyp, halyqpen ashyq jumysqa kóshkenine kedergi keltirý, bul – Prezidenttiń memleket organdardyń ashyqtyǵyna qatysty aitqandaryna qarsylyq ekeni sózsiz...
