Almatyda «Inkliýzivti Almaty 2025-2030» qalalyq tujyrymdamasy belsendi túrde ázirlenýde. Bul týraly qalalyq jumyspen qamtý jáne áleýmettik baǵdarlamalar basqarmasy málimdedi, dep habarlaidy Dalanews.kz
Tujyrymdama erekshe qajettilikteri bar adamdardy qoldaýdyń turaqty júiesin qurý boiynsha ákimdik qyzmetiniń barlyq baǵyttaryn biriktiredi. Baǵdarlama qalany damytýdyń uzaq merzimdi strategiiasynyń basymdyqtaryn eskere otyryp ázirlendi jáne teń múmkindikterdi qamtamasyz etýge, sondai-aq osy sanattaǵy azamattardy qala ómiriniń barlyq salalaryna tolyqqandy engizýge baǵyttalǵan.
Sondai-aq, aǵymdaǵy jyly 32,5 myń qalalyq infraqurylym obektilerin pasporttaý josparlanýda. Bul protsesti avtomattandyrý úshin naqty ýaqyt rejiminde obektilerdi pasporttaý men beiimdeý barysyn jedel baqylaýǵa múmkindik beretin mobildi platforma quryldy.
Budan basqa, 2030 jylǵa deiin erekshe qajettilikteri bar adamdar úshin qalalyq infraqurylymnyń 3,1 myń áleýmettik obektilerin kezeń-kezeńimen beiimdeý josparlanǵan.
Aita keteiik, Almaty ákimi Erbolat Dosaevtyń tapsyrmalary aiasynda qabyldanyp jatqan sharalardyń arqasynda Qazaqstanda inkliýzivti orta qurý boiynsha kóshbasshy orynda tur. Erekshe qajettilikteri bar adamdardy qosa alǵanda, halyqtyń mobildiligi tómen toptary úshin kedergilerdi joiýǵa jáne quqyqtardyń teńdigin qamtamasyz etýge basty nazar aýdarylady.
