Túrkistan oblysynda «Samruk-Kazyna Trust» qaiyrymdylyq qorynyń qoldaýymen osy jyldyń alǵashqy jartyjyldyǵynda ońaltý ortalyqtaryn ashý bastamasy qolǵa alyndy. Atap aitqanda, Saryaǵash jáne Maqtaaral aýdandarynda «Ainala» aralas úlgidegi ońaltý ortalyqtary ashylady,- dep habarlaidy Dalanews.kz
Ortalyqtar tirek-qimyl apparaty buzylǵan, psihonevrologiialyq patologiiasy, aýtizmi jáne basqa da damý erekshelikteri bar 70 balany qabyldaidy. Mekeme zamanaýi qural-jabdyqtarmen qamtylyp, ár balaǵa jeke damý baǵdarlamasy usynylady.
Odan bólek, jyl sońyna deiin Túrkistanda «aýtizm» diagnozy bar balalarǵa arnalǵan ortalyq ashý josparlanýda. Onda jyl saiyn 125 erekshe balaǵa keshendi kómek kórsetilmek.
Sonymen qatar biyl 30 qazannan 15 qarashaǵa deiin óńirge «Salamatty Qazaqstan» meditsinalyq poiyzy keledi. Onda óńir turǵyndary mamandardyń meditsinalyq jáne quqyqtyq qyzmetterin tegin ala alady.
Aita keteiik, byltyr Túrkistan qalasynda oblys ákimdigi men «Samruk-Kazyna Trust» qorynyń qoldaýymen Bekzat Sattarhanov atyndaǵy sport kesheni salyndy. Sonymen qatar «Salamatty bolashaq» jobasy aiasynda Qarataý men Kentaý qalalarynda erekshe balalarǵa arnalǵan inkliýzivti horeografiia jáne bochcha sektsiialary jumys istep jatyr.
Jalpy, «Samruk-Kazyna Trust» qory sońǵy 5 jylda Túrkistan oblysynda 2,2 mlrd teńgege 19 áleýmettik jobany iske asyrdy.
