Erdoǵan áskeri búlikshilerdiń qaidan buiryq alǵanyn aitty (video)
Sondai-aq, ol eldegi qaýipsizdik pen tynyshtyqtyń saqtalýyna Memleket basshysy retinde kepil bolatynyn aityp, dúrlikke jurtty sabyrǵa shaqyrǵan.
– Barlyq áskeri jasaqtyń jetekshileri meniń sózime qulaq asatyna senimdimin. Sizder túrik halqynyń qaýipsizdiginiń saqshylarysyzdar. Áskeri tóńkeris jasaýǵa árkettenýshiler Pensilvaniiadan arnaiy buiryq alýy múmkin, – dep Erdoǵan tóńkeristi basty uiymdastyrýshysy retinde AQSh-ta turyp jatqan Fetýllah Gúlendi aiyptady.
Fetýllah Gúlen 1938 (kei derekterde 1941) jyly Erzýrýmda (Túrkiia) Qoryjyq aýylynda dúniege kelgen.
Gúlen 1957 jyly din isteri basqarmasynyń synynan súrinbei ótip, memlekettik qyzmetke aýysady. 1957 jyly Amasia, Toqat, Sivas, 1959 jyly Edirne 1965 jyly Qyryqlareli qalalarynda bas ýaǵyzshy bolyp jumys isteidi.
1966 jyly Izmirge qonys aýdaryp, sonda bas ýaǵyzshy bolyp jumys isteidi. 1981 jyly densaýlyǵyna bailanysty ýaǵyzshyldyq qyzmetinen bosaidy. 1989 ben 1992 jyldary qaita qyzmetke kiriskenmen, taǵy da densaýlyǵy kótermei ýaǵyz aitýdy toqtatady.
Sodan keiin Gúlen qoǵamdaǵy birlik pen yntymaqty nyǵaitý maqsatynda aldymen Túrkiiada turatyn basqa ult ókilderiniń dini liderlerimen dialog bastap, Vatikanda Papa Ioann Pavel II-men kezdesedi. Bul júzdesý Túrkiianyń buqaralyq aqparat quraldarynda keńinen oryn aldy.
Gúlen 1994-1999 jyldar aralyǵynda Túrkiianyń bedeldi telearnalary men gazet-jýrnaldaryna kóptegen suhbattar bergen.
1999 jyly densaýlyǵyna bailanysty Amerikaǵa baryp, birneshe ret júregine operatsiia jasatty. Qazir dárigerlerdiń baqylaýynda. Ushaqpen uzaq ushýǵa dárigerlerdiń ruqsat bermeýinen óz Otanyna kele almai júr.
Fetýllah Gúlenniń ómirin zerdelegen kezde onyń ýaǵyz aitýdaǵy ádis-tásilderine qarap, jai adam emes ekenin birden baiqaýǵa bolady.
https://www.youtube.com/watch?v=pFyQK4Bss18
