Alataý aýdanyn aralaý barysynda Almaty qalasy ákimi Erbolat Dosaev Qarasý shaǵyn aýdanyndaǵy Baǵanaly Orda kóshesindegi skverdi abattandyrý barysymen tanysty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Joba «Halyq qatysatyn biýdjet» baǵdarlamasy aiasynda júzege asyryldy. Shilde aiynda bastalǵan uzyndyǵy 800 metr bolatyn jańa jaiaý júrginshiler aimaǵy Moiyldy jáne Qalambaev kósheleriniń aralyǵynda ornalasqan.
Joba kelesi aida aiaqtalady dep josparlanýda. Bul ótken jyly Shaiahmetov pen Moiyldy kósheleri arasynda jóndelgen 400 metrlik jolaqtyń jalǵasy boldy. Osylaisha, uzyndyǵy 1200 metr bolatyn birtutas serýendeý aimaǵy quryldy.
Jobany júzege asyrý úshin tikenek pen shóp basqan aýmaq tazartylyp, tegistelip, asfalt jáne tas tóseldi. Jalpy aýdany 55,4 myń sharshy metrge kógaldandyrý jumystary júrgizilip, 950 metrlik avtosýarý júiesi ornatyldy. Turǵyndardyń jailylyǵy úshin 150 sham, oryndyqtar jáne qoqys jáshikteri qoiyldy. Jańartylǵan aýmaqtyń jalpy aýdany 6,5 gektar.
Atqarylǵan jumystarmen tanysqan soń Almaty ákimi jobany ýaqytyly aiaqtaýdy jáne iri aǵashtar otyrǵyzýdy tapsyrdy. Ol sondai-aq qoǵamdyq keńistikti damytýdaǵy turǵyndardyń úlesin erekshe atady.
– Sizderdiń belsendi ustanymdaryńyz aýdan men qala ákimdigine kóriktendirýge jáne jaily jasyl aimaqtar qurýǵa qarajat bólýge kómektesedi. «Halyq qatysatyn biýdjet» baǵdarlamasyna qatysyp, jobalaryńyzdy usynyp, súiikti qalamyzdyń órkendeýine úlken úles qosyp kelesizder, – dep Erbolat Dosaev qala turǵyndaryn jańartylǵan aýmaqtarda tártip saqtaýǵa jáne balalarda qalalyq keńistikke degen qurmet pen uqyptylyq sezimin tárbieleýge shaqyrdy.
Turǵyndar ózgergen keńistik úshin qala ákimine alǵys bildirdi.
– Endi biz otbasymyzben osy jerde serýendeimiz, dostarymyzben kezdesip, ýaqytymyzdy tiimdi ótkizemiz. Jańa alańnyń arqasynda jaqsy demalys úshin oryn kóbeidi. Bilik turǵyndardyń ótinishin estip, olardy júzege asyryp jatqanyna qýanyshtymyz, – dedi turǵyndar.
