Almaty ákimi Erbolat Dosaev QHR-ǵa jumys sapary barysynda Tsziasin qalasynda (Shanhai mańynda) ornalasqan SUS Environment turmystyq qatty qaldyqtardy qaita óńdeý zaýytyna bardy,– dep habarlaidy Dalanews.kz
Shanghai SUS Environment – ekologiia jáne energetika salasyndaǵy keshendi qyzmetterdi usynatyn álemdik jetekshi kompaniia. Ol qaldyqtardy energiiaǵa ainaldyrý boiynsha álemdik naryqta kósh bastap tur. 2008 jyly negizi qalanǵan kompaniianyń Qytai, Vetnam, Bangladesh, Tailand, Malaiziia, Indoneziia, Filippin jáne Ózbekstan elderinde qoqys óńdeý zaýyttary bar. Búginde kompaniiada 3,5 myńnan astam qyzmetker jumys isteidi, 10 halyqaralyq basqarý ortalyǵy men 1 jahandyq óndiristik ortalyqqa ie.
SUS Environment zaýyttarynyń basty ereksheligi – zamanaýi dybys oqshaýlaý jáne aýa súzgileý júielerimen jabdyqtalýy. Bul tehnologiia shý deńgeiin barynsha azaityp, jaǵymsyz iisterdi joiady.
Sonymen qatar, zaýyttardyń ainalasynda jasyl aimaqtar, kógaldar jáne aǵashtar otyrǵyzylyp, jergilikti turǵyndar úshin qolaily ekologiialyq orta qalyptastyrady.
Kompaniianyń teń quryltaishysy ári operatsiialyq direktory Chjý Siaopin Almaty ákimi Erbolat Dosaevqa SUS Environment qaldyqtardy óńdeý stantsiialarynyń energiia óndirý tiimdiligi 26%-ǵa jetkenin aitty. Bul ortasha salalyq kórsetkishterden joǵary jáne Qytai men Eýropanyń ekologiialyq standarttaryna sáikes keledi.
SUS Environment – qaldyqtardy energiiaǵa ainaldyrý tehnologiialary men jabdyqtaryn jetkizýshi №1 kompaniia. Ol 287 qoqys óńdeý zaýytyna qoldanylatyn 273 patentke ie. Sonymen qatar, eko-indýstrialdy parkterdi damytýǵa investitsiia salatyn álemdegi eń iri úsh kompaniianyń biri. Búginde kompaniia 84 jobany iske asyryp, kúnine 110 myń tonna qaldyq óńdeý qýatyna jáne jylyna 18 mlrd kVt/saǵ elektr energiiasyn óndirýge qol jetkizdi. Bul energiia 2,65 mln sharshy metr aýmaqty jylytýǵa múmkindik beredi.
Qazirgi ýaqytta kompaniia SUS 4.0 jańa tehnologiialaryn ázirleý jáne engizý jumystaryn júrgizýde. Bul bastama qaldyqtardy energiiaǵa ainaldyrý kezinde kómirtek shyǵaryndylaryn aqyldy basqarý jáne jylýdy tiimdi paidalaný tehnologiialaryn qamtidy. Sondai-aq, onlain monitoring júiesi, kómirtekti ustaý tehnologiiasy jáne intellektýaldy basqarý júiesi engizilmek.
Kezdesý sońynda taraptar ekijaqty seriktestikti damytý jáne ózara yntymaqtastyq ornatý jóninde kelisimge keldi.
