Qala basshysy aýdannyń damýy jáne turǵyndardan túsken usynystar boiynsha atqarylǵan jumystar týraly aityp berdi.
Aýdanda kommýnaldyq infraqurylymdy jańǵyrtý ózekti másele bolyp qala beredi. Aǵymdaǵy jyldyń tamyz aiynda Aqbulaq shaǵyn aýdanynda uzyndyǵy 29 km ortalyq jeliler iske qosyldy, bul 1,5 myń jeke úidi aýyz sýmen jáne kárizben qamtýǵa múmkindik berdi.
Jyl sońyna deiin «Ójet», «Samǵaý», «Shapaǵat». shaǵyn aýdandaryndaǵy jeliler aiaqtalady. 2023 jyldyń sáýir aiynda Terekti, Bolashaq, Túrkistan jáne Rahat-Mádeniet shaǵyn aýdandarynda 239 km sýmen jabdyqtaý jáne sý burý jelileriniń qurylysy bastalady, aiaqtalý merzimi 2024 jyldyń jeltoqsan aiy.
Nátijesinde kommýnaldyq infraqurylymǵa 5 myńnan astam úiler qosylady.
Qala ákimi Erbolat Dosaevtyń aitýynsha, aýdandaǵy joldardyń paidalaný sipattamalaryn jaqsartý úshin jalpy uzyndyǵy 42 km bolatyn 53 kóshege ortasha jóndeý jumystary júrgizilýde.
Búginde Rysqulov, Raiymbek dańǵyldary, Jańa Sain, Ótemisuly kósheleri, sondai-aq Darhan, Saialy, Uljan, Ójet, Kók-Qainar sh/a boiynsha jumystar aiaqtaldy. Jyl sońyna deiin Alǵabas jáne Aqbulaq shaǵyn aýdandaryndaǵy joldarǵa ortasha jóndeý jumystary aiaqtalady.
Aýdanda jaýyn-shashyn kezinde sý basý máselesi ózekti bolyp qala beredi. Osy máseleni sheshý úshin aǵymdaǵy jyly turaqty sý basýdyń 7 ýchaskesinde aryqtardy salý jáne rekonstrýktsiialaý boiynsha jobalar aiaqtaldy. 3 kollektor qalpyna keltirilip, uzyndyǵy 955 m. aryq jelisi salyndy. Jyl sońyna deiin taǵy 11 sý basý ýchaskesinde jumystar aiaqtalady.
Aǵymdaǵy jyldyń kókteminde avtobýs parkin jańartý máselesi boiynsha ákimdik 450 jańa avtobýs satyp aldy, onyń 92-si Alataý aýdanyna berildi. Osylaisha, aýdannyń avtobýs parki tolyǵymen jańartyldy.
Oqýshy oryndarynyń tapshylyǵy máselesin sheshý úshin 1 qyrkúiekte 4800 oryndyq 3 jańa mektep ashyldy. Bul Almaty qalasyndaǵy jalǵyz úsh aýysymdy mektep máselesin túpkilikti sheshýge múmkindik berdi. 3000 oryndyq taǵy 2 mektep jyl sońyna deiin paidalanýǵa beriledi.
Sonymen qatar, Saialy-2, Zerdeli jáne Samǵaý shaǵyn aýdandarynda 2600 oryndyq 3 jańa mektep salý jumystary júrgizilýde.
Mektepke deiingi uiymdardaǵy tapshylyqty qysqartý maqsatynda aǵymdaǵy jyldyń tamyz aiynda Saialy shaǵyn aýdanynda 160 oryndyq balabaqsha qurylysy bastaldy. Saialy. Qurylysty aiaqtaý 2023 jyldyń naýryzyna josparlanǵan.
Alataý aýdanynyń turǵyndary úshin sporttyq nysandarmen qamtamasyz etý jumystary jalǵasýda. Aǵymdaǵy jyldyń naýryz aiynda jeke investordyń qarajaty esebinen ústel tennisi ortalyǵy ashyldy, oǵan qazir kún saiyn 50 bala keledi. Zerdeli shaǵyn aýdanynda dene shynyqtyrý-saýyqtyrý kesheniniń, al Nurkent shaǵyn aýdanynda tennis kortynyń qurylystary qosymsha júrgizilýde. Bul sport keshenderi 2023 jyldyń jeltoqsanynda ashylatyn bolady.
2023 jylǵy maýsymǵa deiin Saialy, Qarasý shaǵyn aýdandarynda meditsinalyq qyzmet kórsetýdiń qadamdyq qoljetimdiligin qamtamasyz etý úshin kúnine 200 adam keletin eki dárigerlik ambýlatoriia salynady.
Sonymen qatar, qala ákimi rbolat Dosaev «Halyqtyń biýdjetke qatysýy» baǵdarlamasynyń iske asyrylý barysy týraly habardar etti. Biyl aýdanda 24 joba aiaqtaldy. Bul 12 fýtbol, 7 basketbol, 6 voleibol alańy, balalar alańy jáne workout alańdary. Búgingi tańda 18 joba boiynsha jumystar júrgizilýde (6 skver jáne 12 balalar jáne workout alańdary).
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t. b. máselelerdi kóterdi.
Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýdiń jańa formatyna sáikes, jyl sońyna deiin Erbolat Dosaev halyqpen 24 kezdesý ótkizedi – 8 aýdannyń árqaisysynyń turǵyndarymen toqsanyna bir kezdesý.
