Saýd Arabıasynyń astanasynda AQSH pen Reseı delegasıalary arasynda kelissózder bastaldy, dep habarlaıdy Dalanews.kz.
Er-Rıadta Ýkraınadaǵy jaǵdaı boıynsha Vashıngton men Máskeý arasyndaǵy kelissózder bastaldy, dep habarlaıdy TASS. Kezdesý Astana ýaqyty boıynsha saǵat 12:00-ge josparlanǵan bolatyn. Talqy The Ritz-Carlton qonaq úıinde jabyq formatta ótedi. Jýrnalıserden aýmaqtan ketý suraldy.
Buǵan deıin AQSH prezıdentiniń ulttyq qaýipsizdik jónindegi keńesshisi Maıkl Ýolts kelissózderde taraptar atysty doǵarý, bitimgershilik, aýmaqtar tıesiligi boıynsha zańdylyq jáne t. b. máselelerdi talqylaıtynyn málimdegen.
Aıta ketsek, buǵan deıin - 23 naýryzda Er-Rıadta AQSH pen Ýkraına kelissózderi ótti. Taraptar birqatar kúrdeli tehnıkalyq máselelerdi talqylaýdy josparlaǵan bolatyn. Kezdesý qorytyndysy boıynsha Ýkraınanyń Qorǵanys mınıstri Rústem Ýmerov kelissóz nátıjeli jáne maqsatqa saı júrgizilgenin aıtty. Kelissióz barysynda, negizgi máseleler, sonyń ishinde energetıka jaıy da qozǵalǵan. Amerıka tarapy, ázirge bul kelissózderge qatysty pikir bildirgen joq.
